മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം സ്വരൂപിക്കാന് ബിരിയാണി ചലഞ്ചുമായി സാംസ്കാരിക വേദി
നാട് പ്രതിസന്ധിയിലാകുമ്പോഴും തളരാതെ നാടിനെ പിടിച്ച് ഉയര്ത്തുന്ന മുഖ്യമന്ത്രിയുടെ പ്രവര്ത്തനങ്ങള്ക്ക് തങ്ങളാല് കഴിയുന്ന പിന്തുണ നല്കാനാണ് ഇത്തരത്തില് വ്യത്യസ്ത രൂപത്തില് പണം സ്വരൂപിച്ചതെന്ന് സംഘാടകരിലൊരാളായ അഖില് കെ പറഞ്ഞു.
കല്പറ്റ: മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം സ്വരൂപിക്കാന് ബിരിയാണി ചലഞ്ചുമായി കൊയിലേരി നവധാര കലാസാംസ്ക്കാരിക വേദി രംഗത്തെത്തി. 750 ഓളം ബിരിയാണികളാണ് 100 രൂപ നിരക്കില് ഈടാക്കി ആവശ്യക്കാര്ക്ക് എത്തിച്ച് നല്കിയത്.
കോഴി വില ഗണ്യമായി വര്ദ്ധിച്ചത് ബിരിയാണി ചലഞ്ചിന് വെല്ലുവിളിയായെങ്കിലും മികച്ച ഗുണനിലവാരത്തിലാണ് ബിരിയാണി എത്തിച്ചത്.
കൊവിഡ് പ്രോട്ടോകാള് പാലിച്ചാണ് വളണ്ടിയര്മാര് ഭക്ഷണം വീടുകളില് എത്തിച്ചത്. കഴിഞ്ഞ പ്രളയകാലത്തും മികച്ച സാമൂഹിക ഇടപെടല് നവധാര പ്രവര്ത്തകര് ഏറ്റെടുത്തിരുന്നു.
നാട് പ്രതിസന്ധിയിലാകുമ്പോഴും തളരാതെ നാടിനെ പിടിച്ച് ഉയര്ത്തുന്ന മുഖ്യമന്ത്രിയുടെ പ്രവര്ത്തനങ്ങള്ക്ക് തങ്ങളാല് കഴിയുന്ന പിന്തുണ നല്കാനാണ് ഇത്തരത്തില് വ്യത്യസ്ത രൂപത്തില് പണം സ്വരൂപിച്ചതെന്ന് സംഘാടകരിലൊരാളായ അഖില് കെ പറഞ്ഞു.
ബിരിയാണി ചലഞ്ചിലൂടെ കിട്ടിയ ലാഭവിഹിതം മുഴുവന് ഇവര് മുഖ്യമന്ത്രിയുടെ ദുരിതാശ്വാസ നിധിയില് നല്കും. ബിരിയാണി ചലഞ്ചിന് നവധാര ആര്ട്സ് ക്ലബ്ബിന്റെ സെക്രട്ടറി ആദര്ശ് പ്രേമന്, പ്രസിഡന്റ് കെ വി അനിജിത്, അഖില് കെ, ഗോകുല് ഗോപിനാഥ്, ശ്യാം ഷാജു, അക്ഷയ് മനോജ്,അമല്, കെഎച്ച് അഖില്, കെ ആദര്ശ്, വി ബി അഖില് നേതൃത്വം നല്കി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
