പോലിസില്‍ നിന്ന് നീതി കിട്ടിയില്ലെന്ന്; യുവാവ് ആത്മഹത്യ ചെയ്തു

തൃശൂര്‍: പോലിസില്‍ നിന്നും നീതി ലഭിച്ചില്ലെന്ന് എഴുതിവച്ച് യുവാവ് ആത്മഹത്യ ചെയ്തു. തൃശൂര്‍ അഞ്ഞൂര്‍ സ്വദേശിയായ മനീഷാണ് ആത്മഹത്യ ചെയ്തത്. സാമ്പത്തിക തര്‍ക്കവുമായി ബന്ധപ്പെട്ട പരാതിയില്‍ കുന്നംകുളം പോലിസില്‍ നിന്ന് നീതി കിട്ടിയില്ലെന്ന് മനീഷിന്റെ ആത്മഹത്യാക്കുറിപ്പ് പറയുന്നു. അഞ്ഞൂര്‍ കുന്നിനടുത്തുള്ള ക്വാറിയിലാണ് മൃതദേഹം കണ്ടെത്തിയത്. സംഭവത്തില്‍ പ്രതിഷേധിച്ച് നാട്ടുകാര്‍ രംഗത്തെത്തി. മൃതദേഹം റോഡില്‍ വച്ച് പ്രതിഷേധം നടത്തി. കുറ്റക്കാര്‍ക്കെതിരേ നടപടി വേണമെന്ന് നാട്ടുകാര്‍ ആവശ്യപ്പെട്ടു. മനീഷിനെ ബ്ലേഡ് മാഫിയ ഭീഷണിപ്പെടുത്തിയിരുന്നുവെന്ന് ബന്ധുക്കള്‍ ആരോപിച്ചു. ബന്ധുവിന് എടുത്തു നല്‍കിയ പണത്തിനുവേണ്ടി മനീഷിനെ തടങ്കലില്‍ വച്ചെന്നും അവര്‍ ആരോപിച്ചു.