കാസര്‍കോട്ട് കിണറില്‍ വീണ് യുവാവ് മരിച്ചു

കാസര്‍കോട്: കിണറിന് മുകളിലൂടെ പോയ വൈദ്യുതി സര്‍വീസ് ലൈനില്‍ വീണ ഓല എടുത്തുമാറ്റുന്നതിനിടെ കിണറ്റിലേക്ക് വീണ് യുവാവ് മരിച്ചു. വലിയവളപ്പിലെ അശ്വിന്‍ അരവിന്ദ (18) ആണ് മരിച്ചത്. വ്യാഴാഴ്ച രാവിലെ 11.30ഓടെയായിരുന്നു അപകടം. വീടിനോട് ചേര്‍ന്ന കിണറിന് മുകളിലെ ഓല മാറ്റുന്നതിനിടെയായിരുന്നു അപകടം സംഭവിച്ചത്.

കാസര്‍കോട്ട് നിന്ന് അഗ്‌നിശമന സേന എത്തി അശ്വിനെ പുറത്തെടുത്തുവെങ്കിലും ജീവന്‍ രക്ഷിക്കാനായില്ല. വലിയവളപ്പിലെ അരവിന്ദിന്റെയും അംബുജാക്ഷിയുടെയും ഏക മകനാണ് അശ്വിന്‍.