വാല്‍പ്പാറയില്‍ യുവതി തീ കൊളുത്തി മരിച്ച നിലയില്‍

കോട്ടയം: തമിഴ്‌നാട് വാല്‍പ്പാറയില്‍ യുവതി മണ്ണെണ്ണ ഒഴിച്ച് തീ കൊളുത്തി മരിച്ച നിലയില്‍ കണ്ടെത്തി. ഇടിആര്‍ എസ്റ്റേറ്റിലെ മാനേജരും കോട്ടയം സ്വദേശിയുമായ ഗ്രീസിന്റെ ഭാര്യ ഇന്ദുമതി (47)യാണ് മരിച്ച നിലയില്‍ കണ്ടെത്തിയത്. ഇന്ന് രാവിലെ എസ്‌റ്റേറ്റിലെ വീട്ടീല്‍ വെച്ചായിരുന്നു സംഭവം.

ഗ്രീസ് എസ്റ്റേറ്റിലേക്ക് പോയതിന് പിന്നാലെയാണ് സംഭവം. വീട്ടില്‍ നിന്ന് തീ ഉയരുന്നത് കണ്ട അയല്‍വാസികള്‍ എത്തിയപ്പോഴേക്കും ഇന്ദുമതി മരിച്ചിരുന്നു. മൃതദേഹം വാല്‍പ്പാറ സര്‍ക്കാര്‍ ആശുപത്രിയിലേക്ക് മാറ്റി. സംഭവത്തില്‍ വാല്‍പ്പാറ പോലിസ് അന്വേഷണം ആരംഭിച്ചു.