കേരളത്തില് ഇന്നും നാളെയും വ്യാപകമായ മഴയ്ക്ക് സാധ്യത
തിരുവനന്തപുരം: ചക്രവാതച്ചുഴിയുടെ സ്വാധീനഫലമായി കേരളത്തില് ഇന്നും (16) നാളെയും (17) വ്യാപകമായ മഴയ്ക്കും വടക്കന് കേരളത്തിലും മലയോര പ്രദേശങ്ങളിലും ഒറ്റപ്പെട്ട അതിശക്ത/ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
വടക്ക് ആന്ഡമാന് കടലില് ഉള്ള ന്യൂനമര്ദ്ദം പടിഞ്ഞാറ്വടക്കു പടിഞ്ഞാറ് ദിശയില് സഞ്ചരിച്ചു അടുത്ത 24 മണിക്കൂറിനുള്ളില് ശക്തി പ്രാപിച്ചു ശക്തമായ ന്യൂനമര്ദ്ദം ആകാന് സാധ്യതയുണ്ട്. തുടര്ന്ന് പടിഞ്ഞാറ് ദിശയില് സഞ്ചരിച്ചു നവംബര് 18ഓടെ മധ്യ പടിഞ്ഞാറ് തെക്കു പടിഞ്ഞാറ് ബംഗാള് ഉള്ക്കടലില് എത്തി തെക്ക് ആന്ധ്രാ പ്രദേശ്, വടക്കു തമിഴ് നാട് തീരത്ത് കരയില് പ്രവേശിക്കാന് സാധ്യതയുണ്ട്.
കര്ണാടക തീരത്തിന് സമീപം മധ്യ കിഴക്കന് അറബിക്കടലില് ന്യൂനമര്ദ്ദം രൂപപ്പെട്ടു. കര്ണാടകക്കും വടക്കന് കേരളത്തിനും സമീപം മധ്യ കിഴക്കന് തെക്കു കിഴക്കന് അറബിക്കടലില് ചക്രവാതച്ചുഴി നിലനില്ക്കുന്നുണ്ട്. തുടര്ന്ന് പടിഞ്ഞാറ്, വടക്കു പടിഞ്ഞാറ് ദിശയില് സഞ്ചരിച്ചു അടുത്ത 48 മണിക്കൂറില് ശക്തി പ്രാപിക്കാനാണ് സാധ്യത.
കേരള, ലക്ഷദ്വീപ് തീരത്ത് നവംബര് 16നും, വടക്കന് കേരള തീരത്ത് നവംബര് 16 വരെയും, കര്ണാടക തീരത്ത് നവംബര് 17 വരെയും മത്സ്യബന്ധനത്തിന് പോകാന് പാടില്ലെന്നും മണിക്കൂറില് 40 മുതല് 50 കി. മീ വരെ വേഗതയിലും ചിലവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT