അസമില്‍ മുസ് ലിംകളെ കുടിയിറക്കുകയും വെടിവച്ച് കൊല്ലുകയും ചെയ്തതിനെതിരേ വ്യാപക പ്രതിഷേധം

കോഴിക്കോട്: അസമിലെ ബിജെപി ഗവണ്‍മെന്റ് എണ്ണൂറോളം മുസ്‌ലിംകളെ കുടിയൊഴിപ്പിക്കാന്‍ ശ്രമിക്കുകയും അതിനെതിരെ പ്രതിഷേധിച്ച മുസ് ലിം ഗ്രാമീണരെ വെടിവെച്ചു കൊല്ലുകയും നരനായാട്ട് നടത്തുകയും ചെയ്തതില്‍ വ്യാപക പ്രതിഷേധം.

അതിക്രമങ്ങള്‍ക്കെതിരേ എസ്ഡിപിഐ ഓങ്ങല്ലൂര്‍ പഞ്ചായത്ത് കമ്മിറ്റി പ്രതിഷേധ പ്രകടനം നടത്തി. പ്രകടനത്തിന്, എസ്ഡിപിഐ ഓങ്ങല്ലൂര്‍ പഞ്ചായത്ത് പ്രസിഡണ്ട് യൂസഫ് കുട്ടി, സെക്രട്ടറി സത്താര്‍ എം വി, ഓ മുഹമ്മദ്, കുഞ്ഞലവി എന്നിവര്‍ നേതൃത്വം നല്‍കി.

പയ്യോളി, കൊയിലാണ്ടി ടൗണുകളിലും പ്രതിഷേധം നടന്നു. പയ്യോളിയില്‍ മണ്ഡലം പ്രസിഡന്റ് ഷാഹിദ് കോട്ടക്കല്‍, സലാം എംകെ, റിയാസ് പയ്യോളി, അന്‍സാര്‍ എന്നിവരും കൊയിലാണ്ടിയില്‍ അര്‍ഷല്‍ കാവുംവട്ടം, ജമാല്‍, ജലീല്‍, റാഷിദ് കൊല്ലം, അന്‍സാര്‍ കൊയിലാണ്ടി, ജസിയ, മുസ്തഫ, മിദ്‌ലാജ്, ഷറീജ് എന്നിവരും നേതൃത്വം നല്‍കി.