പരമാവധി ചെയ്തു; ഇനിയും വിട്ടുവീഴ്ച ചെയ്യാനാകില്ല; ആശമാരുടെ സമരത്തില്‍ മന്ത്രി വി ശിവന്‍കുട്ടി

തിരുവനന്തപുരം: ആശമാരുടെ സമരത്തില്‍ ഇനിയും വിട്ടുവീഴ്ച ചെയ്യാനാകില്ലെന്നും സര്‍ക്കാരിന് ചെയ്യാവുന്നതിന്റെ പരമാവധി ചെയ്തു കഴിഞ്ഞെന്നു തൊഴില്‍ മന്ത്രി വി ശിവന്‍കുട്ടി. ആശമാരുടെ നിവേദനം കൈപ്പറ്റിയെന്നും, ഇനി ധാരണയില്‍ എത്തിയതിന് ശേഷം മാത്രമായിരിക്കും കൂടിക്കാഴ്ചയെന്നും മന്ത്രി പറഞ്ഞു.

ഇന്നലെയാണ് ആശമാരുമായി മന്ത്രി വി ശിവന്‍കുട്ടി ചര്‍ച്ച നടത്തിയത്. ചര്‍ച്ച പോസിറ്റീവാണെന്നും പ്രതീക്ഷയുണ്ടെന്നുമായിരുന്നു ചര്‍ച്ചക്കു ശേഷം ആശമാര്‍ പറഞ്ഞത്. ആരോഗ്യമന്ത്രിയുമായി കൂടിക്കാഴ്ച നടത്താമെന്നും ശിവന്‍കുട്ടി പറഞ്ഞതായി ആശമാര്‍ പറഞ്ഞിരുന്നു.

അതേസമയം, ആശമാരുടെ സമരം 58ാം ദിവസത്തിലേക്ക് കടന്നു. സമരക്കാരുമായി തുടര്‍ ചര്‍ച്ചകള്‍ നടത്തുന്നതിനെക്കുറിച്ച് ആരോഗ്യമന്ത്രി വീണ ജോര്‍ജ് വ്യക്തമായ മറുപടി നല്‍കിയിട്ടില്ല. എന്നാല്‍ ഓണറേറിയം കൂട്ടുന്നതുമായി ബന്ധപ്പെട്ട കാര്യങ്ങളില്‍ തീരുമാനമാവാതെ സമരത്തില്‍ നിന്നു പിന്നോട്ടില്ലെന്ന നിലപാടിലാണ് ആശമാര്‍.