കേന്ദ്ര ബജറ്റ് 2023: മൊബൈല്‍ ഫോണിനും ടിവിക്കും വില കുറയും; സ്വര്‍ണത്തിനും സിഗരറ്റിനും കൂടും

ന്യൂഡല്‍ഹി: ടെലിവിഷന്‍ പാനലുകള്‍ക്ക് കസ്റ്റംസ് തീരുവ കുറയ്ക്കുമെന്ന് ധനമന്ത്രി നിര്‍മല സീതാരാമന്‍ ബജറ്റില്‍ പ്രഖ്യാപിച്ചതോടെ ടെലിവിഷന്‍ സെറ്റുകള്‍ക്ക് വില കുറയും. ടെലിവിഷന്‍ പാനലുകളുടെ തീരുവ 2.5 ശതമാനമാണ് കുറയുക. മൊബൈല്‍ നിര്‍മാണ സാമഗ്രികളുടെ തീരുവയും കുറച്ചു. ഇതോടെ മൊബൈല്‍ ഫോണുകളുടെ വില കുറയും.

ഇലക്ട്രിക് വാഹനങ്ങളുടെ ബാറ്ററികളുടെ വിലയില്‍ കുറവുണ്ടാവും. കംപ്രസ്ഡ് ബയോഗ്യാസ്, ലിഥിയം അയണ്‍ ബാറ്ററി എന്നിവയ്ക്കും വിലകുറയും. ഇലക്ട്രിക് കിച്ചണ്‍, ഹീറ്റ് കോയില്‍ എന്നിവയുടെ വില കുറയും. കാമറ ലെന്‍സിന്റെ കസ്റ്റംസ് തീരുവ കുറച്ചു. സിഗരറ്റ്, സ്വര്‍ണം, വെള്ളി, വജ്രം എന്നിവയുടെ വിലകൂടും. വസ്ത്രത്തിനും വില കൂടും. കോംപൗണ്ടിങ് റബറിന്റെ തീരുവ കൂട്ടി.