ആലപ്പുഴയില്‍ ട്രെയിന്‍ തട്ടി രണ്ട് മരണം

ആലപ്പുഴ: എഫ്‌സിഐ ഗോഡൗണിനു സമീപം ട്രെയ്ന്‍ തട്ടി രണ്ടുപേര്‍ മരിച്ചു. അരൂക്കുറ്റി പഞ്ചായത്ത് അഞ്ചാം വാര്‍ഡ് പള്ളാക്കല്‍ സലിംകുമാര്‍ (38), പാണാവള്ളി പഞ്ചായത്ത് 18ാം വാര്‍ഡ് കൊട്ടുരുത്തിയില്‍ ശ്രുതി (35) എന്നിവരാണു മരിച്ചത്. രാവിലെ മംഗലാപുരത്തുനിന്നു തിരുവനന്തപുരത്തേക്കു പോകുകയായിരുന്ന മാവേലി എക്‌സ്പ്രസ് തട്ടിയാണ് അപകടം. ആത്മഹത്യയാണെന്നാണു പ്രാഥമിക നിഗമനം.