ഈ പഞ്ചായത്ത് പ്രസിഡന്റിന് കസേരയില്ല; കാരണം അവര് ദലിത് ആണ്
പഞ്ചായത്ത് യോഗങ്ങളില് ഉദ്യോഗസ്ഥര് ഉള്പ്പടെ എല്ലാവരും കസേരയിലിരിക്കുമ്പോള് പ്രസിഡന്റ് മാത്രം നിലത്താണ് ഇരിക്കാറുള്ളത്.
ചെന്നൈ: തമിഴ്നാട്ടില് തിരഞ്ഞെടുക്കപ്പെട്ട ഒരു വനിതാ പഞ്ചായത്ത് പ്രസിഡന്റ് ദലിത് ആയതിനാല് കസേര നല്കാതെ സഹപ്രവര്ത്തകര്. കടല്ലൂര് ജില്ലയിലെ തെര്ക്കു തിട്ടൈയ് ഗ്രാമപഞ്ചായത്ത് പ്രസിഡന്റ് ആയ രാജേശ്വരി ശരവണ കുമാറിനാണ് ജാതി പീഡനം കാരണം കസേരയിലിരിക്കാനുള്ള അവകാശം പോലും നിഷേധിക്കപ്പെടുന്നത്. തെര്ക്കു തിട്ടൈയ് ഗ്രാമപഞ്ചായത്തില് പ്രസിഡന്റ് സ്ഥാനം ആദി ദ്രാവിഡ സമുദായത്തിന് സംവരണം ചെയ്തതാണ്. ഇതുവഴിയാണ് ദലിത് യുവതി പഞ്ചായത്ത് പ്രസിഡന്റ് ആയത്.
പഞ്ചായത്ത് യോഗങ്ങളില് ഉദ്യോഗസ്ഥര് ഉള്പ്പടെ എല്ലാവരും കസേരയിലിരിക്കുമ്പോള് പ്രസിഡന്റ് മാത്രം നിലത്താണ് ഇരിക്കാറുള്ളത്. അതും മറ്റുള്ളവരില് നിന്ന് അകലം പാലിച്ചുകൊണ്ട്.
യോഗങ്ങളിലൊന്നും അധ്യക്ഷത വഹിക്കാന് ഉയര്ന്ന ജാതിക്കാരനായ വൈസ് പ്രസിഡന്റ് തന്നെ അനുവദിക്കാറില്ലെന്നും പതാക ഉയര്ത്താന് പോലും അനുവാദമില്ലെന്നും രാജേശ്വരി പറഞ്ഞു. പഞ്ചായത്ത് യോഗത്തില് പ്രസിഡന്റ് നിലത്തിരിക്കുന്ന ഫോട്ടോ സാമൂഹിക മാധ്യമങ്ങളില് പ്രചരിച്ചതോടെ സംഭവം അന്വേഷിക്കാന് കടല്ലൂര് ജില്ലാ കലക്ടര് ചന്ദ്ര ശേഖര് സഖാമുരി നിര്ദേശം നല്കി. ജാതി പീഡനം നടക്കുന്നത് ശ്രദ്ധയില്പ്പെട്ടിട്ടും അറിയിക്കാതിരുന്നതിന് ജില്ലാ കലക്ടര് പഞ്ചായത്ത് സെക്രട്ടറിയെ സസ്പെന്ഡ് ചെയ്തിട്ടുമുണ്ട്.
RELATED STORIES
ദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMTനിമിഷ പ്രിയയെ കാണാന് സാധിച്ചതിന്റെ ആശ്വാസവും സന്തോഷവും പങ്കുവെച്ച്...
25 April 2024 6:07 AM GMT