സുഭിക്ഷ ഹോട്ടല്‍ തുടങ്ങാന്‍ അവസരം

കോഴിക്കോട്: ആവശ്യക്കാര്‍ക്ക് 20 രൂപ നിരക്കില്‍ ഉച്ചഭക്ഷണം ലഭ്യമാക്കുക വഴി സംസ്ഥാനത്ത് പട്ടിണി നിര്‍മാര്‍ജ്ജനം ചെയ്യുക എന്ന ലക്ഷ്യത്തോടെ നടപ്പിലാക്കി വരുന്ന വിശപ്പുരഹിത കേരളം (സുഭിക്ഷ) പദ്ധതിയില്‍ ഓരോ നിയോജക മണ്ഡലത്തിലും ഒരു ഹോട്ടല്‍ വീതം തുടങ്ങാന്‍ സംസ്ഥാന സര്‍ക്കാര്‍ തീരുമാനിച്ചതു പ്രകാരം ഹോട്ടല്‍ മേഖലയില്‍ പ്രവര്‍ത്തിപരിചയമുള്ള കുടുബശ്രീ യൂണിറ്റുകള്‍, സന്നദ്ധ സംഘടനകള്‍, സര്‍ക്കാര്‍ ഇതര സംഘടനകള്‍, സഹകരണ സംഘടനകള്‍ എന്നിവര്‍ക്ക് ഹോട്ടല്‍ തുടങ്ങാന്‍ അവസരം. പ്രാരംഭ ചെലവുകള്‍ക്കായി ഓരോ ഹോട്ടലിനും പരമാവധി 10 ലക്ഷം രൂപ വരെയും ഹോട്ടലിന്റെ തുടര്‍ നടത്തിപ്പിനുള്ള ചെലവുകളും അനുവദിക്കും. കൈകാര്യ ചെലവായി ഓരോ ഊണിനും 5 രൂപ വീതവും സര്‍ക്കാര്‍ നല്‍കും. താല്‍പ്പര്യമുള്ളവര്‍ക്ക് ബന്ധപ്പെട്ട താലൂക്ക് സപ്ലൈ ഓഫീസിലോ സിറ്റി റേഷനിംഗ് ഓഫീസുകളിലോ ജില്ലാ സപ്ലൈ ഓഫീസിലോ അപേക്ഷ സമര്‍പ്പിക്കാമെന്ന് ജില്ലാ സപ്ലൈ ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് 0495 2370655.