'നീ ദേശാഭിമാന ഭാരതത്തിന്റെ ധീരപുത്രിയാണ്', ആയിശ സുല്ത്താനയ്ക്ക് ഐക്യദാര്ഢ്യവുമായി കെകെ രമ
'പ്രിയ ഐഷാ സുല്ത്താനാ, നീ ദേശാഭിമാന ഭാരതത്തിന്റെ ധീരപുത്രിയാവുന്നു, ഇന്ത്യയ്ക്കായി പൊരുതിമരിച്ചവരുടെ നേരവകാശിയാവുന്നു'.
തിരുവനന്തപുരം: ലക്ഷദ്വീപ് പോലിസ് രാജ്യദ്രോഹക്കുറ്റത്തിന് കേസ് രജിസ്റ്റര് ചെയ്ത ആയിശ സുല്ത്താനക്ക് ഐക്യദാര്ഢ്യവുമായി ആര്എംപി നേതാവ് കെകെ രമ. 'നീ ദേശാഭിമാന ഭാരതത്തിന്റെ ധീരപുത്രിയാവുന്നു, ഇന്ത്യയ്ക്കായി പൊരുതിമരിച്ചവരുടെ നേരവകാശിയാവുന്നു, നിനക്ക് ഹൃദയാഭിവാദനം'- എന്നായിരുന്നു കെകെ രമ ഫേസ് ബുക്കില് കുറിച്ചത്.
ഫേസ് ബുക്ക് പോസ്റ്റിന്റെ പൂര്ണ രൂപം
ഐഷാ സുല്ത്താനാ സമരൈക്യദാര്ഢ്യം.
തുറുങ്കുകള്ക്കും തുടലുകള്ക്കും തുപ്പാക്കികള്ക്കും തൂക്കുകയറുകള്ക്കും തോറ്റുകൊടുക്കാത്തവരുടെ സ്വാതന്ത്ര്യദാഹത്തിന് ചരിത്രം നല്കിയ പേരാകുന്നു ഇന്ത്യ.
പ്രിയ ഐഷാ സുല്ത്താനാ,
നീ ആ ദേശാഭിമാന ഭാരതത്തിന്റെ ധീരപുത്രിയാവുന്നു, ഇന്ത്യയ്ക്കായി പൊരുതിമരിച്ചവരുടെ നേരവകാശിയാവുന്നു.
ഐഷാ സുല്ത്താനാ, ഭരണകൂടത്തിന്റെ അധികാര ദുഃശ്ശാസനകള് ഇന്ത്യയെന്ന രാഷ്ട്രീയനന്മയെ വിഴുങ്ങാനൊരുങ്ങവെ പ്രാണന് കൊണ്ട് പൊരുതാനിറങ്ങിയ പ്രിയപ്പെട്ടവളേ, നിനക്ക് ഹൃദയത്താല് അഭിവാദനം.
തടവറകള്ക്ക് നിശ്ശബ്ദമാക്കാനാവാത്ത ധീരശബ്ദങ്ങളുണ്ടെന്ന്, അധികാര ധിക്കാരങ്ങള്ക്ക് മുന്നില് മുട്ടിലിഴയാത്ത രാഷ്ട്രീയ നിശ്ചയങ്ങളുണ്ടെന്ന് ചരിത്രബോധമില്ലാത്ത അധികാരികള് നിന്നിലൂടെ അറിയുക തന്നെ ചെയ്യും.
ഫാഷിസ്റ്റ് അധികാര പ്രമത്തതയുടെ കടലില് നന്മകളുടെ ദ്വീപുകളെ മുക്കിക്കൊല്ലാന് നാം അനുവദിക്കില്ലെന്ന് ഓരോ ദേശാഭിമാനിയും ഉറക്കെ പറയേണ്ട സമയമാണിത്. ഐഷാ സുല്ത്താനയെ രാജ്യദ്രോഹക്കുറ്റം ചുമത്തി തുറുങ്കിലടക്കാനുള്ള ഭരണകൂട നടപടിക്കെതിരെ കടുത്ത പ്രതിഷേധം.
ഐഷാ സുല്ത്താനയ്ക്ക് ഐക്യദാര്ഢ്യം.
RELATED STORIES
കൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMTആറളം ഫാമിലെ വീടിന്റെ അടുക്കള ഭാഗം കാട്ടാന തകര്ത്തു
4 May 2024 10:37 AM GMT