ഷര്ജീല് ഇമാമിന്റെ ജാമ്യ ഹരജി; നോട്ടിസ് അയച്ച് ഡല്ഹി ഹൈക്കോടതി
ന്യൂഡല്ഹി: മുന് ജെഎന്യു വിദ്യാര്ത്ഥിയും പൗരത്വസമരത്തിന്റെ മുന്നിര പോരാളിയുമായ ഷര്ജീല് ഇമാമിന്റെ ജാമ്യാപേക്ഷ തള്ളിയതിനെതിരേ നല്കിയ അപ്പീലില് ഡല്ഹി ഹൈക്കോടതി നോട്ടിസ് അയച്ചു. ജാമ്യം നിഷേധിച്ച പ്രത്യേക കോടതിയുടെ ഉത്തരവിനെതിരേയാണ് ഷര്ജീല് ഇമാം ഹൈക്കോടതിയെ സമീപിച്ചത്.
അലിഗഢ് മുസ് ലിം സര്വകലാശാലയിലും ജാമിഅ മിലിയയിലും സിഎഎ സമരകാലത്ത് ദേശദ്രോഹകരവും പ്രകോപനപരവുമായ പ്രസംഗങ്ങള് നടത്തിയെന്നാണ് ഷര്ജീല് ഇമാമിനെതിരേയുള്ള കേസ്.
ജസ്റ്റിസുമാരായ സിദ്ധാര്ത്ഥ് മൃദുല്, എ.കെ. മെന്ദിരത്ത എന്നിവരാണ് ഹരജി പരിഗണിച്ചത്. ഇമാമിനുവേണ്ടി ഹാജരായ തന്വീര് അഹമ്മദ് മിറിനോട് പ്രത്യേക കോടതി ഇമാമിന്റെ ജാമ്യഹരജി തള്ളിയതിന് കീഴ്ക്കോടതി കാരണമെന്താണ് പറഞ്ഞിരുന്നതെന്ന് ചോദിച്ചു.
ഷര്ജീലിന്റെ പ്രസംഗം രാജ്യദ്രോഹകരമാണെന്നായിരുന്നു കോടതിയുടെ ഉത്തരവില് പറഞ്ഞിരുന്നത്. എന്നാല് പ്രസംഗത്തിലെ ഒരു വരി അടര്ത്തിയെടുത്താണ് കോടതി ഇത്തരമൊരു നിഗമനത്തിലെത്തിയതെന്ന് അഭിഭാഷകന് വാദിച്ചു. തന്റെ കക്ഷിക്ക് കലാപം വിതക്കാനോ ആക്രമണം അഴിച്ചുവിടാനോ ഉദ്ദേശമുണ്ടായിരുന്നില്ലെന്നും തെറ്റായ രീതിയില് വ്യാഖ്യാനിച്ചാണ് കോടതി ഇത്തരമൊരു നിഗമനത്തിലെത്തിയതെന്നും മിര് വാദിച്ചു.
പ്രതി പ്രത്യേകിച്ചൊന്നും ചെയ്തതായി തോന്നുന്നില്ല. എല്ലാ കുറ്റങ്ങളും ഏഴ് വര്ഷം താഴെ ശിക്ഷയുള്ളതാണെന്നും കോടതി നിരീക്ഷിച്ചു.
തെളിവുകള് നശിപ്പിച്ചതിനെക്കുറിച്ചുള്ള ഡല്ഹി പോലിസിന്റെ വാദത്തിന് എന്ത് തെളിവാണുള്ളതെന്ന് കോടതി ചോദിച്ചു. സാക്ഷികളുണ്ടോയെന്നും ആരാഞ്ഞു. രാജ്യദ്രോഹവുമായി ബന്ധപ്പെട്ട വകുപ്പുകള് ചുമത്തണമെങ്കില് അത്തരം പ്രവര്ത്തനങ്ങള് നിരന്തരമായി ചെയ്തിരിക്കേണ്ടതുണ്ടെന്നും അതുണ്ടായിരുന്നോയെന്നും കോടതി ചോദിച്ചു.
മാര്ച്ച് 24ന് കേസ് വീണ്ടും പരിഗണിക്കും.
RELATED STORIES
കാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTറിക്രൂട്ടിങ് ലൈസന്സ് ഇല്ലാതെ യുവതിയെ വിദേശത്തേക്ക് ജോലിക്കായി അയച്ച...
18 April 2024 9:57 AM GMTകാസര്കോട്ട് മോക്പോളില് ബിജെപിക്ക് അധികവോട്ട്; പരിശോധനയ്ക്ക്...
18 April 2024 9:30 AM GMTമകളുടെ അപകടമരണം: പോപുലര് ഫ്രണ്ട് മുന് ചെയര്മാന് ഒ എം എ സലാമിന്...
18 April 2024 9:05 AM GMT