യുദ്ധം എട്ട് ആഴ്ചയോളം നീണ്ടുനിന്നേക്കാമെന്ന് യുഎസ് യുദ്ധകാര്യ സെക്രട്ടറി പീറ്റ് ഹെഗ്സെത്ത്

വാഷിങ്ടണ്‍: യുദ്ധം എട്ട് ആഴ്ചയോളം നീണ്ടുനിന്നേക്കാമെന്ന് യുദ്ധകാര്യ സെക്രട്ടറി പീറ്റ് ഹെഗ്സെത്ത്. യുദ്ധം അവസാനിക്കാന്‍ കൃത്യമായ സമയപരിധി നിശ്ചയിച്ചില്ല. 'ഇത് നാല് ആഴ്ചയാകാം, അല്ലെങ്കില്‍ ആറോ എട്ടോ മൂന്നോ ആഴ്ചകളാകാം. ആത്യന്തികമായി യുദ്ധത്തിന്റെ വേഗത ഞങ്ങള്‍ തീരുമാനിക്കും. ശത്രു ഇപ്പോള്‍ പതര്‍ച്ചയിലാണ്, അവരെ ആ നിലയില്‍ തന്നെ തുടരാന്‍ ഞങ്ങള്‍ അനുവദിക്കും,' ഹെഗ്സെത്ത് പറഞ്ഞു.വിജയം ഉറപ്പാക്കാന്‍ ആവശ്യമായ സമയം എടുക്കുമെന്നും

ഇറാനിലെ മരണസംഖ്യ 1,000 കടന്ന ദിവസമാണ് പെന്റഗണില്‍ മാധ്യമപ്രവര്‍ത്തകരോട് അദ്ദേഹം സംസാരിച്ചത്. ശ്രീലങ്കയ്ക്ക് സമീപം ടെഹ്റാന്റെ യുദ്ധക്കപ്പല്‍ യുഎസ് മുക്കിയതായും ഇതുവരെ ആറ് അമേരിക്കന്‍ സൈനികര്‍ക്ക് ജീവന്‍ നഷ്ടപ്പെട്ടതായും പെന്റഗണ്‍ അറിയിച്ചു.