നിർമാണം പൂർത്തിയായി; കുതിരാൻ രണ്ടാം തുരങ്കം ഗതാഗത സജ്ജം: ഇന്ന് തുറന്നേക്കും
പാതയുടെ ശുചീകരണ പ്രവർത്തനങ്ങൾ ഉൾപ്പെടെയുള്ള അവസാന മിനുക്കുപണികളും ഇന്നലെ വൈകീട്ടോടെ പൂർത്തീകരിച്ചു.
പാലക്കാട്: തൃശൂർ- പാലക്കാട് ജില്ലകളിലെ ഗതാഗതം സുഗമമാക്കുന്ന കുതിരാൻ രണ്ടാം തുരങ്കം ഇന്ന് തുറന്നേക്കും. നിർമാണ പ്രവർത്തനങ്ങൾ പൂർത്തീകരിച്ച് തുരങ്കം ഗതാഗത സജ്ജമായതായി നിർമാണ കമ്പനി അധികൃതർ അറിയിച്ചു. പാതയുടെ ശുചീകരണ പ്രവർത്തനങ്ങൾ ഉൾപ്പെടെയുള്ള അവസാന മിനുക്കുപണികളും ഇന്നലെ വൈകീട്ടോടെ പൂർത്തീകരിച്ചു.
സംസ്ഥാന സർക്കാരിൻറെ തീരുമാനം അറിയിച്ചാൽ ഏതു നിമിഷവും തുരങ്കം തുറന്നു കൊടുക്കാമെന്ന് അധികൃതർ പറഞ്ഞു. ഇതുമായി ബന്ധപ്പെട്ട രേഖകൾ കമ്പനി അധികൃതർ ജില്ലാ കലക്ടർക്കു കൈമാറി. 944 മീറ്റർ നീളമുള്ള രണ്ടാം തുരങ്കത്തിൻറെ നിർമാണ പ്രവർത്തനങ്ങൾ വളരെ വേഗത്തിലാണു പൂർത്തീകരിച്ചത്. 2021 ജൂലൈ 31നായിരുന്നു ഒന്നാം തുരങ്കം തുറന്നു നൽകിയത്.
ഒന്നാം തുരങ്കത്തിൽ നിന്ന് വ്യത്യസ്ഥമായി രണ്ടാം തുരങ്കത്തിൻറെ ഉൾഭാഗം മുഴുവനായി ഗ്യാൻട്രി കോൺക്രീറ്റിങ് നടത്തിയിട്ടുണ്ട്. രണ്ടാം തുരങ്കം അടുത്ത മാർച്ച് അവസാനത്തോടെ ഗതാഗതത്തിന് തുറന്നുകൊടുക്കുമെന്നായിരുന്നു പൊതുമരാമത്ത് മന്ത്രി പി എ മുഹമ്മദ് റിയാസ് അറിയിച്ചിരുന്നത്. എന്നാൽ, തുരങ്കത്തിൻറെ നിർമാണ പ്രവർത്തനങ്ങളെല്ലാം പൂർത്തിയായ സാഹചര്യത്തിൽ ഗതാഗതത്തിനു തുറന്നു നൽകാമെന്ന നിർദേശമായിരുന്നു ദേശീയപാതാ അതോറിറ്റിയുടേത്.
RELATED STORIES
ലബനാനില് ഇസ്രായേല് വ്യോമാക്രമണം; ഹിസ്ബുല്ല ആക്രമണത്തിന് മറുപടിയെന്ന്
17 April 2024 6:22 PM GMTതെലങ്കാനയില് ക്രിസ്ത്യന് സ്കൂളിനു നേരെ ഹിന്ദുത്വരുടെ ആക്രമണം; 'ജയ്...
17 April 2024 1:59 PM GMTകനത്ത മഴ; തിരുവനന്തപുരത്ത് നിന്നും യുഎഇയിലേക്കുളള നാല് വിമാനങ്ങള്...
17 April 2024 12:46 PM GMTബിജെപി എംപി കരാഡി സങ്കണ്ണ അമരപ്പ കോൺഗ്രസിൽ ചേർന്നു
17 April 2024 12:45 PM GMTമുസ് ലിം അഭിഭാഷകനോട് വിവേചനം: ഹൈക്കോടതിയില് മാപ്പ് പറഞ്ഞ് വിചാരണ...
17 April 2024 12:30 PM GMTകനത്ത മഴ; യുഎഇയിലേക്കുള്ള നാല് വിമാനങ്ങള് കൂടി റദ്ദാക്കി
17 April 2024 12:11 PM GMT