സ്‌കൂളിന്റെ സീലിംഗ് തകര്‍ന്നുവീണു

മലപ്പുറം: മഴയ്ക്കിടെ സ്‌കൂളിന്റെ മേല്‍ക്കൂരയുടെ സീലിംഗ് തകര്‍ന്നുവീണു. മലപ്പുറം വാണിയമ്പലം എല്‍പി സ്‌കൂളിന്റെ മേല്‍ക്കൂരയുടെ സീലിംഗ് ആണ് തകര്‍ന്നു വീണത്. സ്‌കൂള്‍ ഹാളില്‍ വിദ്യാര്‍ഥികളുടെ പരിപാടി നടക്കുമ്പോളായിരുന്നു സംഭവം. 250 ഓളം കുട്ടികളാണ് ഹാളില്‍ ഉണ്ടായിരുന്നത്. നാലാം ക്ലാസ് വിദ്യാര്‍ഥികളുടെ സെന്റ് ഓഫ് പരിപാടി നടക്കുന്നതിനിടെയായിരുന്നു സീലിംഗ് തകര്‍ന്നത്. ശക്തമായ കാറ്റടിച്ചതിനെ തുടര്‍ന്ന് കുട്ടികളെ മാറ്റിയതിനാല്‍ അപകടമുണ്ടായില്ല.