ബൈക്ക് പാര്‍ക്കിങിലെ തര്‍ക്കം; പോലിസുകാരന് കുത്തേറ്റു

തിരുവനന്തപുരം: ബൈക്ക് പാര്‍ക്ക് ചെയ്തതുമായി ബന്ധപ്പെട്ട തര്‍ക്കത്തില്‍ പോലിസുകാരന് കുത്തേറ്റു. വലിയതുറ സ്റ്റേഷനിലെ സിപിഒ ആയ മനു(38)വിനാണ് കുത്തേറ്റത്. വീട്ടിനുമുന്നില്‍ പാര്‍ക്ക് ചെയ്തിരുന്ന ബൈക്ക് മാറ്റണമെന്ന് ആവശ്യപ്പെട്ടതിനെ തുടര്‍ന്നുണ്ടായ തര്‍ക്കമാണ് കത്തിക്കുത്തില്‍ കലാശിച്ചതെന്ന് പറയപ്പെടുന്നു. കൊച്ചുള്ളൂരിലെ വീടിന് മുന്നില്‍ വച്ചാണ് മനുവിന് കുത്തേറ്റത്. ഗുരുതരമായി പരിക്കേറ്റ ഇയാളെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. നെഞ്ചില്‍ രണ്ട് കുത്തേറ്റിട്ടുണ്ട്. മുഖത്തും വെട്ടേറ്റ പാടുണ്ട്. കുത്തിയ ആള്‍ രക്ഷപ്പെട്ടു.