പോലിസിന്റെ പോല് ആപ്പ് നിലവില് വന്നു
പോല് ആപ്പ് ഉപയോഗിക്കുന്ന വ്യക്തി നില്ക്കുന്ന സ്ഥലം മനസ്സിലാക്കി ഏറ്റവും അടുത്ത പോലീസ് സ്റ്റേഷന് സൂചിപ്പിക്കാന് ആപ്പിന് കഴിയും.
തിരുവനന്തപുരം: പോലിസിന്റെ എല്ലാ സേവനങ്ങളും മൊബൈല് ഫോണില് ലഭ്യമാകുന്ന പോല് ആപ്പ് നിലവില് വന്നു. പോലിസിന്റെ 27 സേവനങ്ങള് ലഭിക്കാനായി പൊതുജനങ്ങള്ക്ക് ഇനിമുതല് ഈ ആപ്പ് ഉപയോഗിക്കാമെന്ന് ഫേസ്ബുക്ക് കുറിപ്പില് മുഖ്യമന്ത്രി വ്യക്തമാക്കി. മുഖ്യമന്ത്രി പിണറായി വിജയന് ആപ് ഉദ്ഘാടനം ചെയ്തു.പോല്-ആപ്പ് മൊബൈല് ആപ്ലിക്കേഷനില് 15 സേവനങ്ങള്ക്കൂടി വൈകാതെ ലഭ്യമാകും.
പോല് ആപ്പ് ഉപയോഗിക്കുന്ന വ്യക്തി നില്ക്കുന്ന സ്ഥലം മനസ്സിലാക്കി ഏറ്റവും അടുത്ത പോലീസ് സ്റ്റേഷന് സൂചിപ്പിക്കാന് ആപ്പിന് കഴിയും. കേരളാ പോലീസിലെ എല്ലാ റാങ്കിലെ ഉദ്യോഗസ്ഥരുടെയും ഫോണ് നമ്പര്, ഇ മെയില് വിലാസവും ആപ്പില് ലഭ്യമാണ്. പ്രഥമവിവര റിപ്പോര്ട്ട് ഡൗണ്ലോഡ് ചെയ്യാനും സൗകര്യമുണ്ട്. പോലീസ് മുഖേന ലഭിക്കുന്ന വിവിധ സേവനങ്ങള്ക്കുള്ള ഫീസ് ട്രഷറിയിലേയ്ക്ക് അടയ്ക്കാനും ആപ്പ് ഉപയോഗിക്കാം. പാസ്സ്പോര്ട്ട് പരിശോധനയുടെ നിലവിലെ അവസ്ഥ അറിയാനും മുതിര്ന്ന പൗരന്മാര്ക്ക് ആവശ്യമായ ജനമൈത്രി സേവനങ്ങള്ക്കായി രജിസ്റ്റര് ചെയ്യാനും ഈ ആപ്പിലൂടെ കഴിയും.
പോലീസുമായി ബന്ധപ്പെട്ട അറിയിപ്പുകളും ഈ ആപ്പിലൂടെ ലഭ്യമാകും. പോലീസിന്റെ എല്ലാ സോഷ്യല് മീഡിയ പേജുകളും ഇതില് ലഭിക്കും. ട്രാഫിക് നിയമങ്ങള് പഠിപ്പിക്കുന്ന ട്രാഫിക് ഗുരു, യാത്രകള്ക്ക് ഉപകാരമായ ടൂറിസ്റ്റ് ഗൈഡ്, സൈബര് മേഖലയിലെ തട്ടിപ്പുകള് തടയാനുള്ള നിര്ദ്ദേശങ്ങള്, പ്രധാനപ്പെട്ട സര്ക്കാര് വെബ് സൈറ്റുകളുടെ ലിങ്കുകള് എന്നവയും ആപ്പില് ലഭ്യമാണ്. ചില വിഭാഗങ്ങളില്പ്പെട്ട കുറ്റകൃത്യങ്ങളുടെ വിവരണവും ഫോട്ടോയും നേരിട്ട് പോലീസിന് അയയ്ക്കാന് ഈ ആപ്പിലൂടെ പൊതുജനങള്ക്ക് സൗകര്യമൊരുക്കിയിട്ടുണ്ട്.
പോലീസ് എമര്ജന്സി റെസ്പോണ്സ് സപ്പോര്ട്ട് സിസ്റ്റത്തിലേയ്ക്ക് സേവനം ആവശ്യപ്പെട്ടുകൊണ്ട് സന്ദേശം അയയ്ക്കാന് പ്രത്യേകം സംവിധാനവും ഇതിലുണ്ട്. ഇതു വഴി സ്ത്രീകളുടേയും കുട്ടികളുടേയും സുരക്ഷയ്ക്ക് പോലിസുമായി ബന്ധപ്പെടാം. വീട് പൂട്ടി പോകുന്ന അവസരങ്ങളില് അക്കാര്യം ബന്ധപ്പെട്ട സ്റ്റേഷനില് അറിയിക്കാനും ഈ ആപ്പ് ഉപയോഗിക്കാം.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT