മുകേഷ് അംബാനിയുടെ വീടിനു സമീപം സ്ഫോടകവസ്തുക്കള് കണ്ടെത്തിയ വാഹനത്തിന്റെ ഉടമ മരിച്ച നിലയില്
മുംബൈ: പ്രമുഖ വ്യവസായി മുകേഷ് അംബാനിയുടെ മുംബൈയിലെ വീടിനു സമീപം സ്ഫോടകവസ്തുക്കള് കണ്ടെത്തിയ വാഹനത്തിന്റെ ഉടമയെ മരിച്ച നിലയില് കണ്ടെത്തി. ദുരൂഹ സാഹചര്യത്തില് ഉപേക്ഷിക്കപ്പെട്ട നിലയില് കണ്ടെത്തിയ സ്കോര്പിയോ വാഹനത്തിന്റെ ഉടമയെയാണ് മരിച്ച നിലയില് കണ്ടെത്തിയത്. മുംബൈയ്ക്കു സമീപത്തെ ചെറുചാലില് നിന്നാണ് മൃതദേഹം കണ്ടെടുത്തതെന്ന് താനെ പോലിസ് ഉദ്യോഗസ്ഥന് വാര്ത്താ ഏജന്സി എഎന്ഐ റിപോര്ട്ട് ചെയ്തു. സംഭവത്തില് അപകട മരണത്തിന് കേസെടുത്തു. സംഭവത്തില് ബിജെപി ഉള്പ്പെടെയുള്ള കക്ഷികള് സമഗ്രാന്വേഷണം ആവശ്യപ്പെട്ടിരുന്നു.
'ഞങ്ങള് ഇതേക്കുറിച്ച് പഠിച്ചപ്പോള് വളരെ വലിയ സംഭവമാണെന്നും പോലിസ് അന്വേഷണം നടത്തുന്നുണ്ടെന്നും ശരിയായ വിവരങ്ങള് ഉടന് ലഭിക്കുമെന്നുംശിവസേന നേതാവും മന്ത്രിയുമായ ആദിത്യ താക്കറെ മാധ്യമപ്രവര്ത്തകരോട് പറഞ്ഞു. അന്വേഷണം ദേശീയ അന്വേഷണ ഏജന്സി(എന്ഐഎ)ക്ക് കൈമാറുമോയെന്ന ചോദ്യത്തിന് നിയമപ്രകാരം കഴിയുമെന്നും സംസ്ഥാന ആഭ്യന്തരമന്ത്രി ഇത് സംബന്ധിച്ച് സംസാരിക്കുന്നതാണ് കൂടുതല് ഉചിതമെന്നും അദ്ദേഹം പറഞ്ഞു. ഇക്കഴിഞ്ഞ ബുധനാഴ്ച അര്ധരാത്രിക്ക് ശേഷം മുകേഷ് അംബാനിയുടെ 27 നിലകളുള്ള ആന്റിലിയയില് നിന്ന് 1.4 കിലോമീറ്റര് അകലെ കറുത്ത എസ്യുവി വാന് ഉപേക്ഷിക്കപ്പെട്ട നിലയില് കണ്ടെത്തിയത്. ബോംബ് സ്ക്വാഡെത്തി പരിശോധന നടത്തിയപ്പോഴാണ് 20 ജെലാറ്റിന് സ്റ്റിക്കുകള് കണ്ടെത്തിയത്.
ഒരു ദിവസത്തിനുശേഷം, വാഹന ഉടമയെ കണ്ടെത്തുകയും നഗരത്തിന്റെ മറ്റൊരു ഭാഗമായ വിക്രോലിയില് താമസിക്കുന്ന ഇദ്ദേഹത്തിന്റെ എസ്യുവി മോഷ്ടിക്കപ്പെട്ടതാണെന്നുമാണ് പോലിസ് പറഞ്ഞിരുന്നത്. സിസിടിവി പരിശോധിച്ചപ്പോള് കാര് പാര്ക്ക് ചെയ്യുന്ന മാസ്ക് ധരിച്ച ഒരാളെ കണ്ടെത്തിയെങ്കിലും ആളെ തിരിച്ചറിഞ്ഞിരുന്നില്ല. ജലാറ്റിന് സൈന്യം ഉപയോഗിക്കുന്ന വിധത്തിലുള്ളതല്ലെന്നും കുഴികളിലോ ഖനനത്തിനോ ഉപയോഗിക്കുന്ന വിധത്തിലുള്ളതാണെന്നും പോലീസ് വൃത്തങ്ങള് അറിയിച്ചിരുന്നു.
Owner Of SUV Abandoned With Explosives Near Mukesh Ambani Home Found Dead
RELATED STORIES
ഇ പി എന്ന പാപി
27 April 2024 1:30 PM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTവിവാഹാഘോഷത്തിനിടെ പടക്കം പൊട്ടിച്ചു; തീ പടർന്ന് കുട്ടികളടക്കം ആറുപേർ...
27 April 2024 9:10 AM GMTതീപിടിച്ച കെട്ടിടത്തില് നിന്നും സ്വന്തം ജീവന് പണയംവെച്ച് 50 പേരെ...
27 April 2024 9:09 AM GMT