നിതീഷ് കുമാര്‍ ബിഹാര്‍ മുഖ്യമന്ത്രി സ്ഥാനം രാജി വച്ചു

ബിഹാര്‍: നിതീഷ് കുമാര്‍ ബിഹാര്‍ മുഖ്യമന്ത്രി സ്ഥാനം രാജി വച്ചു. ലോക്ഭവനിലെത്തി രാജിക്കത്ത് ഗവര്‍ണര്‍ക്ക് കൈമാറി. ബിഹാര്‍ വളരെ വേഗത്തില്‍ മുന്നേറും. ബിഹാറിലെ പുതിയ സര്‍ക്കാരിന് തന്റെ പൂര്‍ണ്ണ സഹകരണവും മാര്‍ഗനിര്‍ദേശവും ഉണ്ടായിരിക്കുമെന്ന് നിതീഷ് കുമാര്‍ പ്രതികരിച്ചു.

ഇന്ന് തന്നെ ജെഡിയു ബിജെപി നിയമസഭാ കക്ഷിയോഗം ചേരും. ഇന്ന് വൈകിട്ട് ചേരുന്ന എന്‍ഡിഎ യോഗത്തില്‍ അടുത്ത മുഖ്യമന്ത്രി ആരെന്ന് പ്രഖ്യാപിക്കും.

രാജ്യസഭയിലേക്ക് തിരഞ്ഞെടുക്കപ്പെട്ടതിന് പിന്നാലെ എംഎല്‍സി സ്ഥാനവും നിതീഷ് രാജി വെച്ചിരുന്നു. നിതീഷ് കുമാറിന്റെ നേതൃത്വത്തിലുള്ള അവസാനമന്ത്രിസഭായോഗം ചേര്‍ന്നിരുന്നു. വികസിതവും സമ്പന്നവുമായ ഒരു ബീഹാര്‍ കെട്ടിപ്പടുക്കുന്നതിലെ സംതൃപ്തി യോഗത്തില്‍ നിതീഷ് കുമാര്‍ പ്രകടിപ്പിച്ചു.