സംസ്ഥാനത്ത് ശക്തമായ മഴ തുടരും

തിരുവനന്തപുരം : സംസ്ഥാനത്ത് ശക്തമായ മഴ തുടരും കാസർകോട് ,കണ്ണൂർ ജില്ലകളിൽ ഇന്ന് മഞ്ഞ അലർട്ട് പ്രഖ്യാപിച്ചു. കാസർകോട് ,കണ്ണൂർ, വയനാട് , കോഴിക്കോട് എന്നീ നാല് ജില്ലകളിൽ നാളെയും മഞ്ഞ അലർട്ട് ആണ് . മണ്ണിടിച്ചിൽ, മലവെള്ളപ്പാച്ചിൽ, ഉരുൾപൊട്ടൽ എന്നിവക്ക് സാധ്യതയുള്ള സ്ഥലങ്ങളിൽ നിന്ന് ജനങ്ങൾ മാറി താമസിക്കണമെന്ന് കാലാവസ്ഥാവകുപ്പ് അറിയിച്ചു. കേരളതീരത്ത് ഇന്നും നാളെയും മത്സ്യബന്ധനം പാടില്ല. 24 മണിക്കൂറിൽ 64.4 മില്ലി മീറ്റർ മുതൽ 115.5 മില്ലിമീറ്റർ വരെ ഇടിമിന്നലോട് കൂടിയ മഴ ലഭിക്കാമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഇരുപത്തിയേഴാം തീയതി ബംഗാൾ ഉൾക്കടലിൽ ചുഴലിക്കാറ്റ് രൂപപ്പെടുമെന്നും ആന്തമാൻ തീരത്തോട് ചേർന്ന് രൂപപ്പെട്ട ന്യൂനമർദ്ദം ശക്തി പ്രാപിച്ചു ഇത് തീവ്ര ന്യൂനമർദ്ദം ആകും. നാളെ ചുഴലിക്കാറ്റായും മാറാൻ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.