ഇന്ഡിഗോയുടെ പുതിയ സിഇഒ ആയി വില്ല്യം വാല്ഷ്
ന്യൂഡല്ഹി: മുന് സിഇഒ പീറ്റര് എല്ബേഴ്സ് രാജിവച്ചതിന് പിന്നാലെ ഇന്ഡിഗോ പുതിയ ചീഫ് എക്സിക്യൂട്ടീവ് ഓഫിസറായി വില്ല്യം വാല്ഷിനെ നിയമിച്ചു. ബ്രിട്ടീഷ് എയര്വേഴ്സിന്റെ മുന് മേധാവിയും നിലവില് ഇന്റര്നാഷനല് എയര് ട്രാന്സ്പോര്ട്ട് അസോസിയേഷന്റെ ഡയറക്ടര് ജനറലുമായ വാല്ഷ് 'വില്ലി' എന്നാണ് അറിയപ്പെടുന്നത്.
ബ്രിട്ടീഷ് എയര്വേഴ്സിനെയും ഇന്റര്നാഷനല് എയര്ലൈന്സ് ഗ്രൂപ്പിനെയും വിജയകരമായി നയിച്ച അനുഭവസമ്പത്തോടെ ഇന്ഡിഗോയുടെ വളര്ച്ചയെ കൂടുതല് ശക്തിപ്പെടുത്താന് വാല്ഷിന് കഴിയുമെന്ന ആത്മവിശ്വാസമാണ് കമ്പനി നേതൃത്വം പ്രകടിപ്പിക്കുന്നത്. വ്യോമയാന മേഖല വേഗത്തില് മാറുന്ന സാഹചര്യത്തില് ഇന്ഡിഗോയെ അടുത്ത ഘട്ടത്തിലേക്ക് നയിക്കാന് അദ്ദേഹത്തിന്റെ നേതൃത്വത്തിന് നിര്ണായക പങ്കുണ്ടാകുമെന്ന് ചെയര്മാന് വിക്രം സിങ് മെഹ്ത വ്യക്തമാക്കി. ഇന്ഡിഗോയുടെ ചുമതല ഏറ്റെടുക്കുന്നതില് സന്തോഷമുണ്ടെന്ന് വാല്ഷ് പ്രതികരിച്ചു. വേഗത്തില് വളരുന്ന വ്യോമയാന രംഗത്ത് ഇന്ഡിഗോയ്ക്ക് മുന്നില് വലിയ അവസരങ്ങളുണ്ടെന്നും ഈ വളര്ച്ചയുടെ മുന്നിരയില് നില്ക്കാന് കമ്പനിയ്ക്ക് കഴിയും എന്നും അദ്ദേഹം പറഞ്ഞു.
മുന് സിഇഒ പീറ്റര് എല്ബേഴ്സ് തന്റെ കാലാവധി അവസാനിക്കാന് 18 മാസം ബാക്കി നില്ക്കെയാണ് രാജിവച്ചത്. ലോകമെമ്പാടുമുള്ള യാത്രക്കാരെ ബാധിച്ച വിമാന റദ്ദാക്കലുകള്ക്ക് പിന്നാലെ ഇന്ഡിഗോ കടുത്ത വിമര്ശനങ്ങള് നേരിട്ട സാഹചര്യത്തിലാണ് ഈ നേതൃമാറ്റം നടന്നത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
