പിഎം ശ്രീ പദ്ധതി : വിദ്യാഭ്യാസ മേഖല ആർഎസ്എസിന് തീറെഴുതിയ പിണറായി സർക്കാരിനെതിരെ എസ്ഡിപിഐ പ്രതിഷേധ സംഗമങ്ങൾ സംഘടിപ്പിച്ചു.

കോഴിക്കോട് :പിഎം ശ്രീ പദ്ധതിയിൽ സംസ്ഥാന സർക്കാർ ഒപ്പ് വെച്ചതോടെ വിദ്യഭ്യാസ മേഖലയെ ആർഎസ്എസിന് തീറെഴുതി കാവിവൽക്കരിക്കാനുള്ള അവസരം ഉണ്ടാക്കി കൊടുത്ത പിണറായി സർക്കാറിനെതിരെ എസ്ഡിപിഐ ശക്തമായ പ്രതിഷേധം സംഘടിപ്പിച്ചു. ദേശീയ വിദ്യാഭ്യാസ നയം (എൻ ഇ പി )നടപ്പിലാക്കുന്നതിലൂടെ വിദ്യാഭ്യാസമേഖലയെ കാവിവൽക്കരിക്കുവാനുള്ള ഗൂഢശ്രമമാണ് പിഎം ശ്രീ പദ്ധതിയെന്ന് എസ്ഡിപിഐ ആരോപിച്ചു. മറ്റ് നയങ്ങളെക്കാൾ ദൂരവ്യാപക പ്രത്യാഘാതങ്ങൾ സൃഷ്ടിക്കുന്നതും തെറ്റായ ചരിത്രം അടിച്ചേൽപ്പിച്ച് വരും തലമുറയെ വഴിതെറ്റിക്കുന്നതുമായ തീരുമാനമാണ് ഇതിലൂടെ വരാൻ പോകുന്നതെന്നും, ഈ ധാരണ പത്രത്തിൽ ഒപ്പുവച്ചതിലൂടെ പിണറായി സർക്കാർ കേരള ജനതയെ വഞ്ചിച്ചിരിക്കുകയാണ് ചെയ്തിരിക്കുന്നതന്ന് പ്രതിഷേധക്കാർ പറഞ്ഞു . സംസ്ഥാനത്ത് എല്ലാ ജില്ലകളിലും പ്രതിഷേധ പരിപാടികൾ നടന്നു. കോഴിക്കോട് ജില്ലയിലെ വിവിധ യിടങ്ങളിൽ പ്രതിഷേധ ജാഥകളും പൊതുയോഗങ്ങളും നടന്നു. ഫറോക്ക് ടൗണിൽ സംഘടിപ്പിച്ച പരിപ്പാടിയിൽ ജില്ലാ കമ്മിറ്റി അംഗം ഷാനവാസ്‌ മാത്തോട്ടം , എഞ്ചീനിയർ എം.എ സലിം എന്നിവർ സംസാരിച്ചു. മുനിസിപ്പൽ പ്രസിഡന്റ്‌ മുജീബ് റഹ്‌മാൻ, റഷീദ് കല്ലമ്പാറ ,എം.എസലിം അഡ്വ റഫീഖ് പാതിരക്കാട്, മുഹമ്മദ് കോയ എന്നിവർ നേതൃത്വം നൽകി

മാനന്തവാടി : വയനാട് ജില്ലയിലെ വിവിധയിടങ്ങളിൽ പ്രതിഷേധ പരിപാടികൾ നടന്നു. മാനന്തവാടിയിൽ മണ്ഡലം പ്രസിഡൻ്റ് വി.സുലൈമാൻ, സെക്രട്ടറി സജീർ ,നുഹ്മാൻ പുലിക്കാട്, നിസാർ , സുബൈർ, വി.കെ മുഹമ്മദാലി അസൈനാർ, കബീർ, സി.കെ അബു എന്നിവർ നേതൃത്വം നൽകി