അല്‍ഫാ അബ്ദുല്‍ ഖാദര്‍ ഹാജിയുടെ വിയോഗം കനത്ത നഷ്ടം: മുസ്‌ലിം ജമാഅത്ത് കോഡിനേഷന്‍ കൗണ്‍സില്‍

തിരുവനന്തപുരം: കേരള മുസ്‌ലിം ജമാഅത്ത് ഫെഡറേഷന്‍ ജില്ലാ പ്രസിഡന്റും മണക്കാട് സെന്‍ട്രല്‍ ജുമാമസ്ജിദ് പ്രസിഡന്റുമായ അല്‍ഫ അബ്ദുല്‍ ഖാദര്‍ ഹാജിയുടെ വിയോഗം തീരാനഷ്ടമാണെന്ന് മുസ്‌ലിം ജമാഅത്ത് കോഡിനേഷന്‍ കൗണ്‍സില്‍ സംസ്ഥാന സെക്രട്ടറിയേറ്റ്.

തലസ്ഥാനത്തെ മത സാമൂഹിക മേഖലകളിലെ നിറ സാന്നിധ്യമായിരുന്ന അബ്ദുല്‍ ഖാദര്‍ ഹാജി. എല്ലാ വിഭാഗം ജനങ്ങളോടും ഊഷ്മളമായ ബന്ധം സ്ഥാപിച്ചിരുന്ന അദ്ദേഹം മാതൃകായോഗ്യമായ ഒട്ടനവധി മഹത്ഗുണങ്ങള്‍ക്കുടമയുമായിരുന്നുവെന്ന് ഓണ്‍ലൈനില്‍ കൂടിയ സംസ്ഥാന സെക്രട്ടറിയേറ്റ് യോഗം ഉദ്ഘാടനം ചെയ്തുകൊണ്ട് സംസ്ഥാന പ്രസിഡന്റ് പുലിപ്പാറ യൂസഫ് അനുശോചന സന്ദേശത്തില്‍ പറഞ്ഞു. സംസ്ഥാന വൈസ് പ്രസിഡന്റ തടത്തില്‍ ഷാജഹാന്‍ അധ്യക്ഷത വഹിച്ചു. ഭാരവാഹികളായ മൂഴിയില്‍ മുഹമ്മദ് ഷിബൂ, കല്ലറ എവി ഷൗക്കത്ത്, സലീം നെടുമങ്ങാട്, ജവാദ് വട്ടിയൂര്‍ക്കാവ്, പോങ്ങുമ്മൂട് റാഫി, മണ്‍വിള മുഹമ്മദ്, മണക്കാട് അബ്ദുസ്സലാം, ഇടവിളകം വാഹിദ്, അന്‍വര്‍, ഷാനവാസ് അല്‍ അമാനത്ത് എന്നിവര്‍ പങ്കെടുത്തു.