ഓട്ടോറിക്ഷ മറിഞ്ഞ് എംഎന്‍ കാരശ്ശേരിക്ക് പരിക്ക്

കോഴിക്കോട്: കോഴിക്കോട് ചാത്തമംഗലത്ത് ഓട്ടോറിക്ഷ മറിഞ്ഞുണ്ടായ അപകടത്തില്‍ എഴുത്തുകാരനും അധ്യാപകനുമായ എം എന്‍ കാരശ്ശേരിക്ക് പരിക്ക്. കാരശ്ശേരി സഞ്ചരിച്ചിരുന്ന ഓട്ടോയുടെ ഡ്രൈവര്‍ക്ക് ദേഹാസ്വാസ്ഥ്യം ഉണ്ടായതിനെത്തുടര്‍ന്നാണ് വാഹനം നിയന്ത്രണം വിട്ട് മറിഞ്ഞത്.

കാരശ്ശേരിയെയും ഡ്രൈവറെയും ആശുപത്രിയില്‍ പ്രവേശിപ്പിച്ചു.

കോഴിക്കോട് സര്‍വകലാശാലയില്‍നിന്ന് മലയാളവിഭാഗം മേധാവിയായി പിരിഞ്ഞ കാരശ്ശേരി നിരവധി ഗ്രന്ഥങ്ങളുടെ രചയിതാവുമാണ്.