മാരുതിക്കും രക്ഷയില്ല; പ്ലാന്റുകളുടെ പ്രവര്ത്തനം രണ്ട് ദിവസത്തേക്ക് നിര്ത്തുന്നു
കാര് നിര്മാതാക്കള് ബോംബെ സ്റ്റോക്ക് എക്സ്ചേഞ്ചിന് (ബിഎസ്ഇ) നല്കിയ റിപ്പോര്ട്ടിലാണ് ഈ വിവരമുള്ളത്. ഈ മാസം ഏഴിനും ഒമ്പതിനും പ്ലാന്റുകള് പ്രവര്ത്തിക്കില്ലെന്നാണ് മാരുതി സുസുകി അറിയിച്ചിരിക്കുന്നത്.
ഗുഡ്ഗാവ്: പ്രതിസന്ധി രൂക്ഷമായതോടെ മാരുതി സുസുക്കി ഇന്ത്യയിലെ പ്രധാന രണ്ടു നിര്മാണപ്ലാന്റുകളുടെ പ്രവര്ത്തനം രണ്ടുദിവസത്തേക്ക് നിര്ത്തുന്നതായി റിപോർട്ട്. ഗുഡ്ഗാവിലെയും മനേസറിലെയും പ്ലാന്റുകളാണ് രണ്ടു ദിവസത്തേക്ക് നിര്ത്തിവയ്ക്കുന്നത്. കാര് നിര്മാതാക്കള് ബോംബെ സ്റ്റോക്ക് എക്സ്ചേഞ്ചിന് (ബിഎസ്ഇ) നല്കിയ റിപ്പോര്ട്ടിലാണ് ഈ വിവരമുള്ളത്. ഈ മാസം ഏഴിനും ഒമ്പതിനും പ്ലാന്റുകള് പ്രവര്ത്തിക്കില്ലെന്നാണ് മാരുതി സുസുകി അറിയിച്ചിരിക്കുന്നത്.
മാരുതി സുസുകിയുടെ വില്പന കഴിഞ്ഞ ഏഴു വര്ഷത്തെ ഏറ്റവും താഴ്ന്ന നിലയിലാണ്. ജൂലൈ മാസത്തിലെ വില്പന 36 ശതമാനമാണ് കുറഞ്ഞത്. ചെറിയ മോഡലുകളായ ആള്ട്ടോ, വാഗണ് ആര് എന്നിവയുടെ വില്പനയില് 69 ശതമാനത്തിന്റെ കുറവാണ് ഉണ്ടായത്. രാജ്യത്തെ ഏറ്റവും വലിയ കാര് നിര്മാതാക്കാളാണ് സുസുകി. രാജ്യത്ത് വില്ക്കുന്ന മൂന്നില് രണ്ട് വാഹനങ്ങളും സുസുകിയുടേതാണ്.
രാജ്യത്തെ രണ്ടാമത്തെ ഏറ്റവും വലിയ കാര് നിര്മാതാക്കളായ ഹ്യൂണ്ടായിയുടെ വില്പന 10 ശതമാനം കുറഞ്ഞു. പുതിയതായി ഇറക്കിയ വെന്യു അടക്കമുളള വാഹനങ്ങളാണ് കനത്ത തകര്ച്ചയില് നിന്നും ഹ്യൂണ്ടായിയെ രക്ഷിച്ചത്. ഹോണ്ടയുടെ വില്പനയില് 49 ശതമാനം കുറവുണ്ടായി. ടയോട്ടയുടെ ജൂലൈ മാസത്തിലെ വില്പനയില് 24 ശതമാനമാണ് ഇടിവ്. മഹീന്ദ്രയുടെ വില്പ്പന 15 ശതമാനവും കുറഞ്ഞു.
യുഎസ്-ചൈന വ്യാപാരയുദ്ധം; ആരുടെ വയറ്റത്തടിക്കും
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT