മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതി ഭേദഗതി ബില്ല് രാജ്യസഭയില്‍ അവതരിപ്പിച്ചു

ന്യൂഡല്‍ഹി: മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതി ഭേദഗതി ബില്ല് രാജ്യസഭയില്‍ അവതരിപ്പിച്ചു. കൃഷിമന്ത്രിയാണ് ബില്ല് ലോകസഭയില്‍ അവതരിപ്പിച്ചത്. ബില്ല് അവതരണത്തെ എതിര്‍ത്ത് പ്രിയങ്ക ഗാന്ധി സംസാരിച്ചു. ചര്‍ച്ച കൂടാതെ ബില്ലുകള്‍ വേഗത്തില്‍ പാസാക്കുന്നത് ശരിയല്ലെന്ന് അവര്‍ വ്യക്തമാക്കി. ബില്ല് പാസാക്കാന്‍ അനുവദിക്കില്ലെന്നും ബില്ല് പിന്‍വലിക്കണമെന്നും അവര്‍ പറഞ്ഞു.

അതേസമയം, മാഹാത്മാഗാന്ധിയുടെ ചിത്രം ഉയര്‍ത്തിക്കാട്ടിയായിരുന്നു സഭയില്‍ ബില്ലിനെതിരേ പ്രതിപക്ഷം സംസാരിച്ചത്. ബില്ല് കൊണ്ടുവരാന്‍ അനുവദിക്കില്ലെന്നും അവര്‍ പറഞ്ഞു. സ്വാതന്ത്ര്യത്തിനു വേണ്ടി പോരാടിയ രാഷ്ട്ര പിതാവിന്റെ പേര് പദ്ധതിയില്‍ നിന്ന് ഒഴിവാക്കാനുള്ള നീക്കമാണ് നടക്കുന്നതെന്നും പ്രതിപക്ഷ നേതാക്കള്‍ കൂട്ടിചേര്‍ത്തു. രാഷ്ട്ര പിതാവിന്റെ പേര് ഒഴിവാക്കിയതില്‍ വിശദീകരണം നല്‍കണമെന്ന് എന്‍ കെ പ്രേമചന്ദ്രന്‍ എംപി ആവശ്യപ്പെട്ടു.