തദ്ദേശ തിരഞ്ഞെടുപ്പ്; കോഴിക്കോട് ജില്ലയില് ഹരിത ബൂത്തുകള് ഒരുങ്ങി
കോഴിക്കോട്: തിരഞ്ഞെടുപ്പ് ഹരിതചട്ടം പാലിച്ച് നടത്തുന്നതിന് ജില്ലയിലെ ഒരുക്കങ്ങള് അന്തിമഘട്ടത്തില്. മെടഞ്ഞ ഓലയും പനമ്പും കൊണ്ട് സ്വാഗത ബോര്ഡുകള്, മണ്കുടത്തില് കുടിവെള്ളം, സാമൂഹിക അകലം പാലിക്കാനും മാസ്ക് ധരിക്കാനുമുള്ള നിര്ദേശങ്ങള് ഇലയില്, ഉപയോഗശേഷം വലിച്ചെറിയാതെ മാലിന്യം തരംതിരിച്ചു ശേഖരിക്കാന് ഓല കൊണ്ടു മെടഞ്ഞ വല്ലങ്ങള് എന്നിവയാണ് മാതൃക ബൂത്തുകളില് സജ്ജീകരിക്കുക. ബ്ലോക്ക്, കോര്പ്പറേഷന് തലത്തില് ഓരോ മാതൃക ബൂത്തുകളാണ് തയ്യാറാക്കുന്നത്. കൊവിഡ് പ്രോട്ടോകോള് പൂര്ണ്ണമായും പാലിച്ചാണ് ബൂത്തുകളിലെ ഒരുക്കങ്ങള് പൂര്ത്തീകരിക്കുക.
ശുചിത്വ മിഷന്റെയും ഹരിത കേരളം മിഷന്റെയും തദ്ദേശ സ്വയംഭരണ സ്ഥാപനങ്ങളുടെയും നിര്ദേശ പ്രകാരമാണ് ജില്ലയിലെ തദ്ദേശ സ്ഥാപനങ്ങള്, കോര്പറേഷന് എന്നിവിടങ്ങളില് തിരഞ്ഞെടുത്ത മാതൃക ബൂത്തുകള് ഹരിതാഭമാക്കുന്നത്. പ്ലാസ്റ്റിക് ഉള്പ്പെടെയുള്ള നിരോധിത സാമഗ്രികള് പോളിങ് ബൂത്ത് പരിസരത്ത് ഉപയോഗിക്കാന് അനുവദിക്കില്ല.
ബാലുശ്ശേരി ബ്ലോക്ക് പഞ്ചായത്തില് കാവുന്തറ എ.യു.പി സ്കൂള്, ചേളന്നൂര് ബ്ലോക്ക് പഞ്ചായത്ത് ഇരുവള്ളൂര് ജി.യു.പി.എസ്, കൊടുവള്ളിയില് ജി.എല്.പി സ്കൂള് ചെമ്പ്ര, കോഴിക്കോട് ഓഫ്ഷോര് സ്പെഷ്യല് സ്കൂള് ബില്ഡിംഗ്, കുന്നമംഗലത്ത് എ.യു.പി.എസ് കുന്നമംഗലം, കുന്നുമ്മല് ബ്ലോക്കില് ജി.യു.പി.എസ് വട്ടോളി, മേലടിയില് തിക്കോടി മാപ്പിള എല്.പി സ്കൂള്, പന്തലായനിയില് ആന്തട്ട ജിയുപിഎസ്, പേരാമ്പ്രയില് കൂത്താളി എ.യു.പി സ്കൂള് സെന്ട്രല് പാര്ട്ട്, തോടന്നൂരില് മാപ്പിള എല്.പി സ്കൂള്, തൂണേരിയില് കെ.ആര്.എച്ച്.എസ്.എസ് പുറമേരി, വടകരയില് ചോമ്പാല് നോര്ത്ത് എല്.പി സ്കൂള്, കോഴിക്കോട് കോര്പ്പറേഷന് പരിധിയില് സിവില് സ്റ്റേഷന് എല്.പി സ്കൂള് എന്നിവയാണ് മാതൃകാ ഹരിത ബൂത്തുകള്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
