തദ്ദേശ തിരഞ്ഞെടുപ്പ്; തിരുവനന്തപുരത്ത് കലാശക്കൊട്ടിനിടെ എല്‍ഡിഎഫ്-യുഡിഎഫ് സംഘര്‍ഷം

തിരുവനന്തപുരം: തിരുവനന്തപുരം പോത്തന്‍കോട് കലാശക്കൊട്ടിനിടെ എല്‍ഡിഎഫ്-യുഡിഎഫ് സംഘര്‍ഷം. തദ്ദേശ തിരഞ്ഞെടുപ്പ് കലാശക്കൊട്ടിനിടെയാണ് പ്രവര്‍ത്തകര്‍ തമ്മില്‍ വാക്കേറ്റവും കയ്യാങ്കളിയുമുണ്ടായത്. പോലിസ് ഇടപെട്ടതോടെ സംഘര്‍ഷം അവസാനിക്കുകയായിരുന്നു.

അതേസമയം തിരുവനന്തപുരത്ത് കലാശക്കൊട്ടിനിടെ രണ്ട് അപകടങ്ങളുണ്ടായി. പോത്തന്‍കോട് കലാശക്കൊട്ടിനിടെ വാഹനത്തില്‍ നിന്നു വീണ് കോണ്‍ഗ്രസ് പ്രവര്‍ത്തകന് പരിക്കേറ്റു. തിരുവനന്തപുരം നെയ്യാറ്റിന്‍കര തിരുപുറത്ത് പ്രചാരണ വാഹനം നിയന്ത്രണം വിട്ട് കുളത്തിലേക്കു മറിഞ്ഞ് ഡ്രൈവര്‍ക്ക് പരിക്കേറ്റു. ഡ്രൈവറായ ജസ്റ്റിന്‍ മാത്രമാണ് വാഹനത്തിലുണ്ടായിരുന്നത്. ജസ്റ്റിനെ പരിക്കുകളോടെ പുറത്തെത്തിച്ചു. വാഹനം പൂര്‍ണമായും വെള്ളത്തില്‍ താഴ്ന്നിരുന്നു.