കെ വി തോമസ്: കോണ്‍ഗ്രസ് അച്ചടക്കസമിതി യോഗം ഇന്ന്

ന്യൂഡല്‍ഹി: പാര്‍ട്ടിയുടെ വിലക്ക് ലംഘിച്ച് സിപിഎം പാര്‍ട്ടി കോണ്‍ഗ്രസ്സില്‍ പങ്കെടുത്ത കെ വി തോമസിന്റെ നടപടി ചര്‍ച്ച ചെയ്യാനുള്ള കോണ്‍ഗ്രസ് അച്ചടക്കസമിതി യോഗം ഇന്ന് ന്യൂഡല്‍ഹിയില്‍. തോമസിനെതിരേ നടപടി വേണമെന്ന് ആവശ്യപ്പെട്ട് കെപിസിസി നല്‍കിയ കത്താണ് എ കെ ആന്റണി ചെയര്‍മാനായ അച്ചടക്കസമിതി പരിശോധിക്കുക.

കെ സുധാകരന്റെ കെപിസിസിയുടെ പേരിലുള്ള പരാതി സോണിയാഗാന്ധിക്കാണ് നല്‍കിയത്. സോണിയാഗാന്ധി അത് അച്ചടക്കസമിതിക്ക് കൈമാറി. അവരാണ് കെ വി തോമസിനെതിരായ പരാതി പരിശോധിക്കുക.

അച്ചടക്കസമിതി തോസിനോട് വിശദീകരണം ആവശ്യപ്പെടാനാണ് സാധ്യത. തൃപ്തികരമല്ലെങ്കില്‍ തുടര്‍നടപടി ആലോചിക്കും.

പരാതിയോടൊപ്പം കെ വി തോമസിന്റെ സിപിഎം സെമിനാറിലെ പ്രസംഗവും പരിഭാഷപ്പെടുത്തി നല്‍കിയിട്ടുണ്ട്.