തവനൂരില്‍ ഇത്തവണയും ഇടത് സ്വതന്ത്രനായി കെ ടി ജലീല്‍ മല്‍സരിച്ചേക്കും

മലപ്പുറം: തവനൂരില്‍ ഇടത് സ്വതന്ത്രനായി കെ ടി ജലീല്‍ ഇത്തവണയും മല്‍സരിച്ചേക്കുമെന്ന് സൂചന. തിരഞ്ഞെടുപ്പ് മല്‍സര രംഗത്ത് നിന്ന് പിന്‍മാറുകയാണെന്ന മുന്‍ നിലപാടില്‍ ഉറച്ച് നില്‍ക്കുകയാണെങ്കിലും പാര്‍ട്ടി ആവശ്യപ്പെട്ടാല്‍ പുനരാലോചന നടത്തുമെന്നാണ് ജലീലിന്റെ പ്രതികരണം. തവനൂരില്‍ ഇടത് സ്ഥാനാര്‍ഥിയായി കെ ടി ജലീല്‍ തന്നെ എത്തുമെന്നാണ് സൂചനകള്‍.

തുടര്‍ച്ചയായി നാലു തവണ എംഎല്‍എ ആയിട്ടുള്ള കെ ടി ജലീല്‍ തവനൂര്‍ മണ്ഡലം രൂപീകൃതമായ 2011 മുതല്‍ മണ്ഡലത്തെ പ്രതിനിധീകരിക്കുന്നുണ്ട്. തവനൂരിലേക്ക് പി വി അന്‍വര്‍ വരികയാണെങ്കില്‍ സ്വാഗതം ചെയ്യുന്നുവെന്നും അദ്ദേഹം പ്രതികരിച്ചു. കഴിഞ്ഞ തവണ ഫിറോസ് കുന്നംപറമ്പിലിനെയാണ് കോണ്‍ഗ്രസ് ജലീലിനെതിരേ നിര്‍ത്തിയിരുന്നത്. എന്നാല്‍ ജലീല്‍ വിജയിക്കുകയായിരുന്നു.