കോഴിക്കോട്ട് വിദ്യാര്‍ഥി പുഴയില്‍ മുങ്ങി മരിച്ചു

കോഴിക്കോട്: പൂനൂര്‍ മഠത്തുംപൊയിലില്‍ പുഴയില്‍ വീണ് വിദ്യാര്‍ഥി മുങ്ങി മരിച്ചു. ഉമ്മിണികുന്ന് കക്കാട്ടുമ്മല്‍ ജലീലിന്റെ മകന്‍ റയാന്‍ മുഹമ്മദ് (11) ആണ് മരിച്ചത്. സുഹൃത്തിനൊപ്പം പൂനൂര്‍ പുഴയില്‍ കുളിക്കാന്‍ ഇറങ്ങിയപ്പോള്‍ ഒഴുക്കില്‍പ്പെടുകയായിരുന്നു.

ഉടന്‍തന്നെ നാട്ടുകാര്‍ രക്ഷപ്പെടുത്തി പൂനൂരിലെ സ്വകാര്യാശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളജ് മോര്‍ച്ചറിയിലേക്കു മാറ്റി.