സംഘപരിവാറുമായി സിപിഎം സന്ധി ചെയ്യുന്നു; പരസ്പര സഹായസംഘമായാണ് അവരുടെ പ്രവര്ത്തനമെന്നും കെ സുധാകരന്
നേതാക്കള്ക്ക് അവരുടെ അഭിപ്രായവും പ്രയാസവും പറയാനും അതിനെല്ലാം പരിഹാരം കാണാനുമാണ് താന് ഉള്പ്പെടെയുള്ള സംസ്ഥാന നേതൃത്വം ശ്രമിക്കുന്നത്. ഒരാള്പോലും പരിധിവിട്ടുപോകരുത് എന്നാണ് തന്റെ ആഗ്രഹമെന്നും സുധാകരന് പറഞ്ഞു
തിരുവനന്തപുരം: സംഘപരിവാറുമായി സന്ധി ചെയ്താണ് സിപിഎം പ്രവര്ത്തിക്കുന്നതെന്ന് കെപിസിസി പ്രസിഡന്റ് കെ സുധാകരന് എംപി. പരസ്പര സഹായസംഘമായാണ് അവരുടെ പ്രവര്ത്തനം. അധികാരം നിലനിര്ത്താന് ഹീനതന്ത്രം മെനയുകയാണ് സിപിഎം. രണ്ടു കൂട്ടരേയും ജനമധ്യത്തില് തുറന്നു കാട്ടി തൊലിയുരിക്കാനുള്ള അവസരമാണ് നമ്മുടെ മുന്നിലുള്ളത്. അതിനുള്ള എല്ലാ തയാറെടുപ്പുകളും നടന്നുവരുന്നു. ജനങ്ങളുമായി ചേര്ന്ന് നില്ക്കുന്ന പ്രവര്ത്തന ശൈലിയാണ് നാം സ്വീകരിക്കേണ്ടതെന്നും സുധാകരന് പറഞ്ഞു.
ഡിസിസി പ്രസിഡന്റുമാര്ക്കായി കെപിസിസി സംഘടിപ്പിച്ച ദ്വിദിന ശില്പ്പശാല നെയ്യാര്ഡാം രാജീവ്ഗാന്ധി ഇന്സ്റ്റിറ്റിയൂട്ടില് ഉദ്ഘാടനം ചെയ്യുകയായിരുന്നു അദ്ദേഹം.
പ്രവര്ത്തനത്തിലും സമീപനത്തിലും അടിമുടി മാറ്റംവരുത്തി ജനങ്ങളിലേക്കും പ്രക്ഷോഭപാതയിലേക്കും കോണ്ഗ്രസ് ഒറ്റക്കെട്ടായി ഇറങ്ങുകയാണ്. അധികാരത്തിലുള്ള കോണ്ഗ്രസിനേക്കാള് പതിന്മടങ്ങ് ശക്തമാണ് പ്രതിപക്ഷത്തുള്ള കോണ്ഗ്രസ്. രണ്ടു ശത്രുക്കളെ ഒരേസമയം നേരിടാന് നമുക്കു ശക്തിയുണ്ട്. എന്നാല് നമ്മുടെ ഇടയില് വിള്ളല് വീഴ്ത്തി ദുര്ബലപ്പെടുത്താനാണ് ശത്രുക്കള് ശ്രമിക്കുന്നത്. അത്തരം കെണിയില് വീഴാതിരിക്കാന് ഓരോ കോണ്ഗ്രസ് പ്രവര്ത്തകനും ജാഗ്രത കാട്ടണം.
സംശുദ്ധമായ പൊതുജീവിതമായിരിക്കണം കോണ്ഗ്രസ് നേതാക്കളുടെ മുഖമുദ്ര. അതിലൂടെ പുതുതലമുറയെ കോണ്ഗ്രസിലേക്ക് ആകര്ഷിക്കാന് കഴിയണം. പൊതുപ്രവര്ത്തകന് സമൂഹത്തിന് മാതൃകയാകണം. കാലോചിതമായ വെല്ലുവിളികളെ അതിജീവിക്കാന് നമുക്ക് കഴിയണം. കോണ്ഗ്രസിന്റെ തകര്ച്ച രാഷ്ട്രീയ എതിരാളികള് പോലും ആഗ്രഹിക്കുന്നില്ല. നമ്മുടെ പോരായ്മകള് കണ്ടെത്തിക്കഴിഞ്ഞു. അതിനുള്ള പരിഹാരങ്ങള് ആരംഭിച്ചു. ആഭ്യന്തര ജനാധിപത്യം ഉറപ്പാക്കുന്ന പ്രസ്ഥാനമാണ് കോണ്ഗ്രസ്. നേതാക്കള്ക്ക് അവരുടെ അഭിപ്രായവും പ്രയാസവും പറയാനും അതിനെല്ലാം പരിഹാരം കാണാനുമാണ് താന് ഉള്പ്പെടെയുള്ള സംസ്ഥാന നേതൃത്വം ശ്രമിക്കുന്നത്. ഒരാള്പോലും പരിധിവിട്ടുപോകരുത് എന്നാണ് തന്റെ ആഗ്രഹമെന്നും സുധാകരന് പറഞ്ഞു.
പ്രതിപക്ഷ നേതാവ് വിഡി സതീശന്, കോണ്ഗ്രസ് പ്രവര്ത്തക സമിതി അംഗം ഉമ്മന്ചാണ്ടി, മുന് പ്രതിപക്ഷ നേതാവ് രമേശ് ചെന്നിത്തല കെപിസിസി വര്ക്കിങ് പ്രസിഡന്റുമാരായ കൊടിക്കുന്നില് സുരേഷ് എംപി, പിടി തോമസ് എംഎല്എ,ടി സിദ്ധിഖ് എംഎല്എ, തുടങ്ങിയവര് സംസാരിച്ചു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
