സംസ്ഥാനത്ത് ജനുവരിയില്‍ മാത്രം നടന്നത് 14 വീട്ട് പ്രസവങ്ങള്‍

കൊച്ചി: സംസ്ഥാനത്ത് വീട്ട് പ്രസവങ്ങളുടെ എണ്ണത്തില്‍ കുറവ് രേഖപ്പെടുത്തിയിട്ടുണ്ടെങ്കിലും നവജാത ശിശുമരണങ്ങള്‍ ആശങ്കയുണ്ടാക്കുന്ന നിലയില്‍ തുടരുകയാണ്. ആരോഗ്യ വകുപ്പിന്റെ വിവരാവകാശ മറുപടിയിലാണ് ഇക്കാര്യം വ്യക്തമാക്കുന്നത്. 2026 ജനുവരിയില്‍ മാത്രം 14 വീട്ട് പ്രസവങ്ങളാണ് റിപോര്‍ട്ട് ചയ്തത്. ഇതില്‍ മൂന്നു വജാത ശിശുക്കള്‍ മരണപ്പെട്ടതായി ആരോഗ്യ വകുപ്പ് അറിയിച്ചു.

2019 മുതല്‍ 2026 ജനുവരി വരെ ആകെ 3,369 വീട്ട് പ്രസവങ്ങളാണ് സംസ്ഥാനത്ത് നടന്നത്. 2025 ജനുവരി മുതല്‍ 2026 ജനുവരി വരെയുള്ള കാലയളവില്‍ 202 കേസുകള്‍ രേഖപ്പെടുത്തിയിട്ടുണ്ട്. 2025 ജനുവരി മുതല്‍ 2026 ജനുവരി വരെ ഒമ്പത് ശിശുമരണങ്ങളാണ് റിപോര്‍ട്ട് ചെയ്തത്. വിവിധ വര്‍ഷങ്ങളിലായി മരണസംഖ്യയില്‍ വ്യത്യാസം കാണുന്നുണ്ടെങ്കിലും പ്രശ്‌നം ഇതുവരെ പൂര്‍ണമായി നിയന്ത്രണവിധേയമായിട്ടില്ല.