മന്ത്രി ശശീന്ദ്രന് ഇടപെട്ട പീഡന പരാതി; പോലിസ് കേസെടുത്തു
കൊല്ലം: മന്ത്രി എ കെ ശശീന്ദ്രന് ഒത്തുതീര്പ്പാക്കാന് ശ്രമിച്ചെന്ന് ആരോപണമുള്ള പീഡന പരാതിയില് എന്സിപി നേതാവ് ജി പത്മാകരന്, രാജീവ് എന്നിവര്ക്കെതിരെ കുണ്ടറ പൊലീസ് കേസെടുത്തു. പരാതി ലഭിച്ച് 22 ദിവസത്തിന് ശേഷമാണ് പൊലീസിന്റെ നടപടി. മന്ത്രി എ കെ ശശീന്ദ്രന് വിഷത്തില് ഇടപെട്ടത് വിവാദമായതോടെയാണ് പൊലീസ് കേസെടുത്തത്. പത്മാകരനെതിരെ സ്ത്രീപീഡനം അടക്കമുള്ള വകുപ്പുകളും രാജീവിനെതിരെ യുവതിയെ സമൂഹമാധ്യമങ്ങളിലൂടെ അപമാനിച്ചതിനുമാണ് കേസ്. ലൈംഗിക ചുവയോടെ സംസാരിച്ചെന്ന കുറ്റവും ചുമത്തിയിട്ടുണ്ട്.
പീഡന പരാതി ഒതുക്കി തീര്ക്കാന് മന്ത്രി എ കെ ശശീന്ദ്രന് ഇടപെട്ടതായാണ് ആരോപണം ഉയര്ന്നത്. പരാതി നല്ല രീതിയില് തീര്ക്കണമെന്ന് മന്ത്രി പരാതിക്കാരിയുടെ പിതാവിനോട് ആവശ്യപ്പെടുന്ന ശബ്ദസന്ദേശം പുറത്തുവന്നിരുന്നു. മന്ത്രി നിരവധി തവണ ഇടപെട്ടുവെന്ന് പരാതിക്കാരിയും പറഞ്ഞു.
അതേസമയം വിവാദമായ ഫോണ് കോള് വിഷയത്തില് ശശീന്ദ്രന് മുഖ്യമന്ത്രിക്ക് വിശദീകരണം നല്കി. മാധ്യമങ്ങള്ക്ക് മുന്പില് പറഞ്ഞ കാര്യങ്ങള് തന്നെയാണ് ആവര്ത്തിച്ചത്. പരാതി പിന്വലിക്കാനല്ല ആവശ്യപ്പെട്ടതെന്നും പാര്ട്ടി പ്രശ്നമാണെന്ന് കരുതിയാണ് ഫോണില് സംസാരിച്ചതെന്നും മന്ത്രി വിശദീകരിച്ചു. ഒരു തവണ മാത്രമാണ് പരാതിക്കാരിയുടെ പിതാവിനെ വിളിച്ചത്. പിന്നീട് ഒരിക്കലും വിഷയത്തില് ഇടപെട്ടിട്ടില്ലെന്നും ശശീന്ദ്രന് പറഞ്ഞിരുന്നു.
RELATED STORIES
സ്വാതി മലിവാൾ ബിജെപി ഏജൻ്റെന്ന് എഎപി
17 May 2024 4:08 PM GMTതിരഞ്ഞെടുപ്പ് ഫണ്ട് മണ്ഡലം പ്രസിഡന്റുമാര് മുക്കി; ആരെയും വെറുതെ...
17 May 2024 12:31 PM GMTപന്തീരാങ്കാവ് ഗാര്ഹിക പീഡന കേസിൽ ആദ്യ അറസ്റ്റ്: പിടിയിലായത് പ്രതി...
17 May 2024 12:28 PM GMTനീലഗിരി മേഖലയില് കനത്ത മഴയ്ക്കു സാധ്യത; 20 വരെ ഊട്ടി യാത്ര...
17 May 2024 12:19 PM GMTതിരുവനന്തപുരത്ത് ബ്യൂട്ടി പാർലർ ഉടമയായ സ്ത്രീ സ്ഥാപനത്തിനുള്ളിൽ...
17 May 2024 12:15 PM GMTയുഎഇയില് എമിറേറ്റൈസേഷന് നിയമങ്ങള് ലംഘിച്ചതിന് 1,300 കമ്പനികള്ക്ക്...
17 May 2024 12:13 PM GMT