വി എസിനെ സന്ദര്‍ശിച്ച് ഗവര്‍ണര്‍

തിരുവനന്തപുരം: ഗവര്‍ണര്‍ക്കെതിരേ സര്‍ക്കാര്‍ പ്രതിഷേധം കടുപ്പിച്ചിരിക്കുന്നതിനിടെ വി എസ് അച്യുതാനന്ദനെ സന്ദര്‍ശിച്ച് ആരിഫ് മുഹമ്മദ് ഖാന്‍. വി എസിന് പിറന്നാള്‍ ആശംസ അറിയിക്കാനാണ് ഗവര്‍ണറെത്തിയത്. രാവിലെ പത്തുമണിയോടെ വിഎസിന്റെ വീട്ടിലെത്തിയ ഗവര്‍ണര്‍ കുടുംബാംഗങ്ങളുടെ കൈയില്‍ പിറന്നാള്‍ സമ്മാനം കൈമാറി. വിഎസിന്റെ ആരോഗ്യാവസ്ഥ മോശമായതുമൂലം സന്ദര്‍ശകരെ കാണാന്‍ കഴിയാത്തതിനാലാണ് കുടുംബത്തെ ആശംസയറിയിച്ച് മടങ്ങിയത്. പിറന്നാള്‍ ദിനത്തില്‍ ഡല്‍ഹിയിലായിരുന്നതിനാലാണ് ഇന്ന് സന്ദര്‍ശനം നടത്തിയതെന്നാണ് ഗവര്‍ണറുടെ വിശദീകരണം.