'ചീഞ്ഞുപോകുന്നത് അധ്വാനത്തിന്റെ ഫലങ്ങള്‍'; മഴക്കെടുതിയില്‍ വലഞ്ഞ് കാശ്മീരിലെ ആപ്പിള്‍ കര്‍ഷകര്‍

ശ്രീനഗര്‍: മഴക്കെടുതിയില്‍ വലഞ്ഞ് കാശ്മീരിലെ ആപ്പിള്‍ കര്‍ഷകര്‍. ഓഗസ്റ്റ് 24 മുതല്‍ മഴയെ തുടര്‍ന്നുണ്ടായ മണ്ണിടിച്ചിലില്‍ ഒരു ഭാഗം തകര്‍ന്നതിനെ തുടര്‍ന്ന് ജമ്മു-ശ്രീനഗര്‍ ദേശീയ പാതയില്‍ ഉണ്ടായ തടസ്സത്തില്‍ ആപ്പിളുമായി പോകുന്ന നിരവധി ട്രക്കുകളാണ് കുടുങ്ങികിടക്കുന്നത്. ഇതുമൂലം എണ്ണിയാല്‍തീരാത്തത്രയും ഫലങ്ങള്‍ ചീഞ്ഞുപോയെന്ന് കര്‍ഷകര്‍ പറയുന്നു.

ഇന്ത്യന്‍ ഭരണത്തിലുള്ള കശ്മീരിന്റെ സമ്പദ്വ്യവസ്ഥയുടെ നട്ടെല്ലാണ് ഹോര്‍ട്ടികള്‍ച്ചര്‍. താഴ്വരയില്‍ നിന്ന് പ്രതിവര്‍ഷം ഏകദേശം 2025 ദശലക്ഷം മെട്രിക് ടണ്‍ ആപ്പിള്‍ ഉത്പാദിപ്പിക്കപ്പെടുന്നു. ന്ത്യയുടെ മൊത്തം ആപ്പിള്‍ ഉല്‍പാദനത്തിന്റെ ഏകദേശം 78 ശതമാനമാണിത്

'എന്റെയോ എന്റെ ഗ്രാമത്തിന്റെയോ മാത്രം പ്രശ്നമല്ല ഈ പ്രതിസന്ധി. റോഡ് അടച്ചിടല്‍ കശ്മീരിലെ എല്ലാ ആപ്പിള്‍ കര്‍ഷകരെയും ബാധിക്കുന്നു. ഞങ്ങളുടെ മുഴുവന്‍ ഉപജീവനമാര്‍ഗവും ഈ വിളവെടുപ്പിനെ ആശ്രയിച്ചിരിക്കുന്നു,' ഏപ്രിലില്‍ പഹല്‍ഗാമില്‍ നടന്ന ആക്രമണത്തില്‍ 28 പേര്‍ കൊല്ലപ്പെട്ടു. താഴ്വരയിലെ മറ്റൊരു പ്രധാന മേഖലയായ ടൂറിസത്തെ ഇത് സാരമായി ബാധിച്ചു. ഈ ആക്രമണത്തെ തുടര്‍ന്ന് ഈ വര്‍ഷം മേഖലയുടെ സമ്പദ്വ്യവസ്ഥയ്‌ക്കേറ്റ രണ്ടാമത്തെ തിരിച്ചടിയാണിതെന്ന് കര്‍ഷകനായ ഭട്ട് പറയുന്നു .

തെക്കന്‍ കശ്മീരിലെ അനന്ത്നാഗ് ജില്ലയിലെ ഖാസിഗുണ്ട് പ്രദേശത്തെ ദേശീയപാതയില്‍ രണ്ടാഴ്ചയായി ഏകദേശം 4,000 ട്രക്കുകള്‍ കുടുങ്ങിക്കിടക്കുകയാണെന്നും അവയില്‍ നിറച്ച പഴങ്ങള്‍ ചീഞ്ഞഴുകാന്‍ തുടങ്ങിയെന്നും ഏകദേശം 146 മില്യണ്‍ ഡോളറിന്റെ നഷ്ടം ഉണ്ടായതായും പേര് വെളിപ്പെടുത്താന്‍ അധികാരമില്ലാത്തതിനാല്‍ ഒരു പ്രാദേശിക സര്‍ക്കാര്‍ ഉദ്യോഗസ്ഥന്‍ പറഞ്ഞു.

ശ്രീനഗറില്‍ നിന്ന് ഏകദേശം 45 കിലോമീറ്റര്‍ (28 മൈല്‍) അകലെയുള്ള ബാരാമുള്ള ജില്ലയിലെ സോപോര്‍ ഏഷ്യയിലെ ഏറ്റവും വലിയ പഴ വിപണിയുടെ ആസ്ഥാനമാണ്. എന്നാല്‍ ആപ്പിള്‍ പെട്ടികള്‍ അനന്തമായ കാത്തിരിപ്പില്‍ കുന്നുകൂടി കിടന്നു, കാരണം ഓരോ ദിവസം കഴിയുന്തോറും അവയുടെ മൂല്യം കുറയുകയോ മോശമായി അവ ചീഞ്ഞഴുകിപ്പോകുകയോ ചെയ്തു. 20 ദിവസത്തെ ദേശീയപാത സ്തംഭനത്തിനുശേഷം ചൊവ്വാഴ്ച പത്ത് ശതമാനം ട്രക്കുകള്‍ ന്യൂഡല്‍ഹിയിലേക്ക് പുറപ്പെട്ടെങ്കിലും ആയിരക്കണക്കിന് ആളുകള്‍ ഇപ്പോഴും കുടുങ്ങിക്കിടക്കുകയാണെന്ന് കശ്മീര്‍ പഴം കര്‍ഷകരുടെ അസോസിയേഷന്‍ പ്രസിഡന്റ് ഫയാസ് അഹമ്മദ് മാലിക് പറഞ്ഞു .

അതേസമയം, പതിസന്ധി പരിഹരിക്കുന്നതിനായി, ന്യൂഡല്‍ഹി നിയമിച്ച മേഖലയിലെ ഉന്നത ഉദ്യോഗസ്ഥനായ മനോജ് സിന്‍ഹ സെപ്റ്റംബര്‍ 15 ന് ഇന്ത്യന്‍ ഭരണത്തിലുള്ള കശ്മീരിന്റെ മധ്യഭാഗത്തുള്ള ബുഡ്ഗാം സ്റ്റേഷനില്‍ നിന്ന് ന്യൂഡല്‍ഹിയിലേക്ക് പഴങ്ങള്‍ കൊണ്ടുപോകുന്നതിനായി ഒരു പ്രത്യേക ട്രെയിന്‍ ആരംഭിച്ചു. ഈ നീക്കം 'ഗതാഗത സമയം ഗണ്യമായി കുറയ്ക്കുകയും ആയിരക്കണക്കിന് കര്‍ഷകര്‍ക്ക് വരുമാന അവസരങ്ങള്‍ വര്‍ദ്ധിപ്പിക്കുകയും മേഖലയിലെ കാര്‍ഷിക സമ്പദ്വ്യവസ്ഥയെ ഉത്തേജിപ്പിക്കുകയും ചെയ്യുമെന്നാണ് വാദം.