കണ്ണൂര്‍ വിമാനത്താവളത്തില്‍ നിന്ന് 56 ലക്ഷം രൂപയുടെ സ്വര്‍ണം പിടികൂടി

കണ്ണൂര്‍: കണ്ണൂര്‍ വിമാനത്താവളത്തില്‍നിന്ന് വീണ്ടും സ്വര്‍ണം പിടികൂടി. 56 ലക്ഷം രൂപ വിലവരുന്ന 1,042 ഗ്രാം സ്വര്‍ണമാണ് പിടികൂടിയത്. സ്വര്‍ണം കടത്തിയ കാസര്‍കോഡ് ജില്ലയിലെ മുട്ടത്തൊടിയില്‍ പന്നിപ്പാറ റഹ്മത്തുള്ള റഷീദിനെ കസ്റ്റംസ് അറസ്റ്റ് ചെയ്തു. എയര്‍ ഇന്റലിജന്‍സ്, എയര്‍ കസ്റ്റംസ് എന്നിവര്‍ സംയുക്തമായാണ് പ്രതിയെ പിടികൂടിയത്.

മുട്ടിനു പുറകിലായി സ്വര്‍ണം ചേര്‍ത്ത് വച്ച് കെട്ടിയ നിലയിലായിരുന്നു.

പ്രതിയെ അറസ്റ്റ് ചെയ്ത് ജാമ്യത്തില്‍ വിട്ടു. അന്വേഷം തുടരുന്നു.

പ്രതിയെ പിടികൂടിയ സംഘത്തില്‍ സൂപ്രണ്ട് ബേബി വി പി, കൊവന്‍ പ്രകാശന്‍, ഇന്‍സ്‌പെക്ടര്‍മാരായ രാമചന്ദ്രന്‍ എം കെ നിഖില്‍, സുരേന്ദ്ര, പങ്കജ്, ശിശിര എന്നിവരാണ് ഉണ്ടായിരുന്നത്.