ഉച്ചയ്ക്ക് ശേഷം സ്വര്‍ണവിലയില്‍ വീണ്ടും വര്‍ധന

തിരുവനന്തപുരം: സ്വര്‍ണവിലയില്‍ വീണ്ടും വര്‍ധന. ഇന്ന് രാവിലെ സ്വര്‍ണത്തിന്റെ വില വര്‍ധിച്ചിരുന്നു. ഇതിനു പിന്നാലെയാണ് വീണ്ടും ഉച്ചയ്ക്ക് ശേഷം വില വര്‍ധിച്ചത്. പവന് 440 രൂപ കൂടി. ഇതോടെ ഇന്ന് ഒരു പവന്‍ വാങ്ങാന്‍ 87,440 രൂപ നല്‍കണം. ഇന്നു മാത്രം സ്വര്‍ണത്തില്‍ 1000 ത്തിലധികം രൂപയുടെ വര്‍ധനയാണ് രേഖപ്പെടുത്തിയത്.

അന്താരാഷ്ട്ര വിപണിയിലെ ചലനങ്ങളാണ് സംസ്ഥാനത്ത് സ്വര്‍ണവിലയില്‍ പ്രതിഫലിക്കുന്നത്. കൂടാതെ സുരക്ഷിത നിക്ഷേപം എന്ന നിലയില്‍ കൂടുതല്‍ ആളുകള്‍ സ്വര്‍ണത്തിലേക്ക് തിരിയുന്നതും വില ഉയരാന്‍ കാരണമാകുന്നുണ്ട്.കഴിഞ്ഞ മാസം 86,760 ലെത്തിയാണ് പവന്‍ വില സര്‍വകാല റെക്കോര്‍ഡിട്ടത്. വീണ്ടും റെക്കോര്‍ഡുകള്‍ ദേദിച്ചാണ് ഇന്ന് വിലയില്‍ രണ്ടുതവണ വര്‍ധനയുണ്ടായത്.