Top

കടംവാങ്ങിയ 50 രൂപ തിരികെ നല്‍കാതിരുന്നതിന് കഴുത്തുഞെരിച്ച് കൊന്നു

കടംവാങ്ങിയ 50 രൂപ തിരികെ നല്‍കാതിരുന്നതിന് കഴുത്തുഞെരിച്ച് കൊന്നു
X

ആഗ്ര: കടംവാങ്ങിയ 50 രൂപ തിരികെ നല്‍കാതിരുന്ന സുഹൃത്തിനെ യുവാവ് കഴുത്തുഞെരിച്ച് കൊന്നു. ഫിറോസാബാദിലെ ബരോലി സ്വദേശിയായ വിജയ്പാലിനെ(30) ആണ് സുഹൃത്തായ ബ്രഹ്മാനന്ദ്(40) കൊലപ്പെടുത്തിയത്. ഫെബ്രുവരി 22നായിരുന്നു സംഭവം. കൃത്യം നടത്തിയ ശേഷം ഒളിവില്‍പോയ ബ്രഹ്മാനന്ദിനെ കഴിഞ്ഞദിവസം പോലീസ് പിടികൂടി.


നിര്‍മാണ തൊഴിലാളികളായ വിജയ്പാലും ബ്രഹ്മാനന്ദും അയല്‍ക്കാരും സുഹൃത്തുക്കളുമായിരുന്നുവെന്ന് പോലീസ് പറഞ്ഞു. ഫെബ്രുവരി 22ന് വൈകിട്ട് ഇരുവരും ഒരുമിച്ചിരുന്ന് മദ്യപിച്ചു. ഇതിനിടെയാണ് നേരത്തെ കടം വാങ്ങിയ 50 രൂപ വിജയ്പാല്‍ തിരികെ നല്‍കാത്തതിനെച്ചൊല്ലി ഇരുവരും തമ്മില്‍ വഴക്കുണ്ടായത്. തര്‍ക്കത്തിനൊടുവില്‍ ബ്രഹ്മാനന്ദ് സുഹൃത്തിനെ കഴുത്തുഞെരിച്ച് കൊലപ്പെടുത്തുകയായിരുന്നു.




Next Story

RELATED STORIES

Share it