മുന് മന്ത്രി എംപി ഗോവിന്ദന് നായര് അന്തരിച്ചു
കോട്ടയം: മുന് മന്ത്രിയും കോണ്ഗ്രസ് നേതാവുമായ എംപി ഗോവിന്ദന് നായര് അന്തരിച്ചു. 96 വയസ്സായിരുന്നു. ആര് ശങ്കറിന്റെ മന്ത്രിസഭയിലെ(1962-64) ആരോഗ്യ മന്ത്രിയായിരുന്ന ഗോവിന്ദന് നായര് തിരുവിതാംകൂര് ദേവസ്വം ബോര്ഡ് പ്രസിഡന്റായും പ്രവര്ത്തിച്ചിട്ടുണ്ട്.
അഭിഭാഷകന് ആയിരുന്ന ഗോവിന്ദന് നായര് കേരള ബാര് അസോസിയേഷന് അംഗം, എന്എസ്എസ് പ്രതിനിധി സഭാംഗം, വിജയപുരം പഞ്ചായത്ത് പ്രസിഡന്റ് എന്നീ നിലകളിലും പ്രവര്ത്തിച്ചു. കെഎഫ്സി, മീറ്റ് പ്രൊഡക്ട്്സ് ഓഫ് ഇന്ത്യ ചെയര്മാന് എന്നീ പദവികളും വഹിച്ചു.
കോട്ടയത്തിനടുത്ത് പാറമ്പുഴ പുത്തന്പുരയില് എന് പരമേശ്വരന് പിള്ളയുടെയും കുഞ്ഞുകുട്ടിയമ്മയുടെയും മകനായി 1926 ഏപ്രില് 27നായിരുന്നു ജനനം. സ്കൂള്പഠനത്തിന് ശേഷം കോട്ടയം സിഎംഎസ് കോളജില് ഇന്റര് മിഡിയേറ്റ്, ആലുവ യുസി കോളജില് നിന്ന് ഒന്നാം റാങ്കോടെ എക്കണോമിക്സില് ബിഎ ബിരുദവും നേടി. തുടര്ന്ന് തിരുവനന്തപുരം ലോ കോളജില് നിന്ന് ബിഎല് പാസ്സായി. 1950 നവംബറില് കോട്ടയം ബാറിലെ അഭിഭാഷകനായി.34ാം വയസിലാണ് ആര് ശങ്കറിന്റെ മന്ത്രിസഭയിലെ മന്ത്രിയായത്.
തിരുവഞ്ചൂര് രാധാകൃഷ്ണന് എംഎല്എ പിതൃസഹോദര പുത്രനാണ്. സംസ്കാരം വ്യാഴാഴ്ച.ഭാര്യ: പരേതയായ ശാരദാദേവി. മകള്: സുധ. മരുമകന്: റിട്ട: കേണല് പി എസ് സി നായര്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT