ഫൈനല്‍ എം ബി ബി എസ് പരീക്ഷ വ്യാഴാഴ്ച്ച ആരംഭിക്കും

തൃശൂര്‍: കേരള ആരോഗ്യശാസ്ത്ര സര്‍വ്വകലാശാല ഫൈനല്‍ എം ബി ബി എസ്സ് പാര്‍ട്ട് II റെഗുലര്‍/സപ്ലിമെന്ററി പരീക്ഷ ഇന്ന് ആരംഭിക്കുമെന്ന് കണ്‍ട്രോളര്‍ ഓഫ് എക്‌സാമിനേഷന്‍സ് അറിയിച്ചു. പരീക്ഷാ അഡ്മിറ്റ് കാര്‍ഡ് പരീക്ഷ കേന്ദ്രങ്ങളിലേക്ക് അയച്ചിട്ടുണ്ട്. പരീക്ഷയ്ക്ക് രജിസ്റ്റര്‍ ചെയ്തിട്ടുള്ള എല്ലാ വിദ്യാര്‍ത്ഥികളും അഡ്മിറ്റ് കാര്‍ഡുമായി രാവിലെ 9 മണിക്ക് മുന്‍പ് തന്നെ പരീക്ഷാ കേന്ദ്രങ്ങളില്‍ എത്തിച്ചേരണം. ഏതെങ്കിലും വിധത്തില്‍ പരീക്ഷാ നടത്തിപ്പിന് തടസ്സം സൃഷ്ടിക്കുന്ന നടപടികള്‍ ആരില്‍ നിന്നെങ്കിലും ഉണ്ടാകുകയാണെങ്കില്‍ അതിനെ ഗൗരവമായി നേരിടുന്നതാണെന്നും അധികൃതര്‍ അറിയിച്ചു.