ഫയല്‍ തീര്‍പ്പാക്കല്‍; സംസ്ഥാനത്തെ ഗ്രാമപ്പഞ്ചായത്ത് ഓഫിസുകള്‍ ഇന്ന് തുറന്നുപ്രവര്‍ത്തിക്കും

തിരുവനന്തപുരം: സംസ്ഥാനത്തെ മുഴുവന്‍ ഗ്രാമപ്പഞ്ചായത്ത് ഓഫിസുകളും ഇന്ന് തുറന്നുപ്രവര്‍ത്തിക്കും. ഫയല്‍ തീര്‍പ്പാക്കല്‍ തീവ്രയജ്ഞത്തിന്റെ ഭാഗമായാണ് ഓഫിസുകള്‍ പ്രവര്‍ത്തിക്കുന്നത്. പഞ്ചായത്ത് ഡയറക്ടര്‍ ഓഫിസും ഡെപ്യൂട്ടി ഡയറക്ടര്‍ ഓഫിസുകളും ഇന്ന് പ്രവര്‍ത്തിക്കുമെന്ന് മന്ത്രി എം വി ഗോവിന്ദന്‍ അറിയിച്ചു.

എന്നാല്‍, പൊതുജനങ്ങള്‍ക്ക് മറ്റ് സേവനങ്ങള്‍ ഇന്ന് ലഭ്യമാവില്ല. ജൂണ്‍ 15 മുതല്‍ സപ്തംബര്‍ 30 വരെയാണ് ഫയല്‍ തീര്‍പ്പാക്കലിനുള്ള തീവ്രയജ്ഞം. പെന്‍ഡിങ് ഫയലുകള്‍ ഉടന്‍ തീര്‍പ്പാക്കാന്‍ ആവശ്യമായ നടപടി എല്ലാ ജീവനക്കാരും സ്വീകരിക്കണമെന്ന് മന്ത്രി എം വി ഗോവിന്ദന്‍ ആവശ്യപ്പെട്ടു.