കണ്ണൂരില്‍ സ്‌ഫോടനം; റോഡിലെ ടാര്‍ ഇളകിത്തെറിച്ചു

കണ്ണൂര്‍: പാട്യം പത്തായക്കുന്നില്‍ സ്‌ഫോടനം. മൗവ്വഞ്ചേരി പീടികയില്‍ ഇന്ന് പുലര്‍ച്ചെയാണ് സ്‌ഫോടനമുണ്ടായത്. സ്‌ഫോടനത്തില്‍ റോഡിലെ ടാര്‍ ഇളകിത്തെറിച്ചു. സമീപത്തുള്ള രണ്ടുവീടുകളുടെ ജനല്‍ ചില്ലുകള്‍ തകര്‍ന്നു. ഇന്ന് പുലര്‍ച്ചെ 12.10ഓടെയാണ് സ്ഫോടനം നടന്നത്. ബിജെപി പ്രവര്‍ത്തകന്റെയും ഡിവൈഎഫ്‌ഐ പ്രാദേശിക നേതാവിന്റേയും വീടുകളുടെ ജനല്‍ ചില്ലുകളാണ് തകര്‍ന്നത്. സംഭവത്തില്‍ ആര്‍ക്കും പരിക്കില്ല.

ഏറുപടക്കമെന്നാണ് പോലിസ് എഫ്ഐആറില്‍ പറയുന്നത്. കതിരൂര്‍ പോലിസാണ് സംഭവത്തില്‍ കേസെടുത്തിരിക്കുന്നത്. ആരാണ് സ്‌ഫോടനത്തിനു പിന്നിലെന്ന് കണ്ടെത്താന്‍ അന്വേഷണം ആരംഭിച്ചു. സിസിടിവി ദൃശ്യങ്ങളടക്കം പരിശോധിച്ചുകൊണ്ടാണ് അന്വേഷണം നടക്കുന്നത്.