താനൂരില്‍ ക്വാറന്റീനില്‍ കഴിയുകയായിരുന്ന പ്രവാസി മരിച്ച നിലയില്‍

താനൂര്‍: കഴിഞ്ഞ മാസം 21ാം തിയ്യതി ഷാര്‍ജയില്‍ നിന്നെത്തി താനൂരിലെ സ്വന്തം വീട്ടില്‍ ക്വാറന്റീല്‍ കഴിയുകയായിരുന്ന പ്രവാസി മരിച്ചനിലയില്‍. താനൂര്‍ ഓലപ്പീടിക അരിപ്പുറത്ത് സുരേന്ദ്രനാണ് മരിച്ചത്. 48 വയസ്സായിരുന്നു.

സുരേന്ദ്രന്‍ ക്വാറന്റൈനിലായതിനാല്‍ വീട്ടുകാര്‍ ബാന്ധുവീട്ടിലാണ് താമസം. രാവിലെ ഭക്ഷണം നല്‍കാനെത്തിയ വീട്ടുകാരാണ് സുരേന്ദ്രന്‍ മരിച്ചുകിടക്കുന്നത് കണ്ടത്.

കൊവിഡ് പരിശോധനയ്ക്കു ശേഷം മൃതദേഹം വിട്ടുകൊടുക്കുമെന്ന് തിരൂരങ്ങാടി ആശുപത്രി അധികൃതര്‍ അറിയിച്ചു.

ഭാര്യ: രജനി, മക്കള്‍ സുരഭി, ആരബി,ആരതി.