ജി എന് സായിബാബ ജയില് മോചിതനായി
മുംബൈ: മാവോവാദി ബന്ധം ആരോപിച്ച് അറസ്റ്റ് ചെയ്ത ഡല്ഹി യൂനിവേഴ്സിറ്റി പ്രഫസര് ജി എന് സായിബാബ ജയില് മോചിതനായി. ജീവപര്യന്തം തടവിന് ശിക്ഷിച്ച സായിബാബയെ ബോംബെ ഹൈക്കോടതി നാഗ്പൂര് ബെഞ്ച് രണ്ട് ദിവസം മുമ്പ് കുറ്റവിമുക്തനാക്കിയിരുന്നു. നാഗ്പുര് സെന്ട്രല് ജയിലില്നിന്നാണ് അദ്ദേഹം ജയില് മോചിതനായത്. അപ്പീല് സാധ്യത മുന്നിര്ത്തി 50,000 രൂപ കെട്ടിവയ്ക്കണമെന്ന് ഹൈക്കോടതി ഉത്തരവിട്ടിരുന്നു. ഈ തുക കെട്ടിവച്ചിട്ടും സായിബാബയുടെ മോചനം ജയില് അധികൃതര് നീട്ടിക്കൊണ്ടുപോവുകയായിരുന്നു. ഇതു സംബന്ധിച്ച ഇമെയില് നാഗ്പുര് സെന്ട്രല് ജയിലില് കിട്ടിയിട്ടില്ലെന്ന് പറഞ്ഞാണ് മോചനം വൈകിപ്പിച്ചത്. വീല്ചെയറിലാണ് സായിബാബ ജയിലില് നിന്ന് പുറത്തുവന്നത്. എന്റെ ആരോഗ്യം വളരെ മോശമാണ്. ഇപ്പോള് സംസാരിക്കാന് കഴിയില്ല. ആദ്യം ചികില്സ തേടണമെന്നും അതിനുശേഷമേ സംസാരിക്കാന് കഴിയൂവെന്നും സായിബാബ മാധ്യമപ്രവര്ത്തകരോട് പറഞ്ഞു. സായിബാബയെ കാത്ത് ജയിലിന് പുറത്ത് അദ്ദേഹത്തിന്റെ കുടുംബാംഗങ്ങളും സഹപ്രവര്ത്തകരുമുണ്ടായിരുന്നു.
RELATED STORIES
മുംബൈ ആക്രമണക്കേസിലെ പബ്ലിക് പ്രോസിക്യൂട്ടര് ഉജ്വല് നികം ബിജെപി...
27 April 2024 6:20 PM GMTഇ പി എന്ന പാപി
27 April 2024 1:30 PM GMTഇസ്രായേല് വിരുദ്ധ പ്രക്ഷോഭത്തില് തിളച്ചുമറിഞ്ഞ് യുഎസ് കാംപസുകള്;...
27 April 2024 10:48 AM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMT