പഹല്‍ഗാം ആക്രമണം; ഇരുരാജ്യങ്ങളും സംയമനം പാലിക്കണം: യൂറോപ്യന്‍ യൂണിയന്‍

ന്യൂഡല്‍ഹി: അക്രമപ്രവര്‍ത്തനങ്ങളില്‍ നിന്ന് പൗരന്മാരെ സംരക്ഷിക്കാന്‍ ഓരോ രാജ്യത്തിനും ബാധ്യതയും നിയമപരമായി കടമയും അവകാശവുമുണ്ടെന്ന് യൂറോപ്യന്‍ യൂണിയന്‍.

ഏപ്രില്‍ 22ന് ജമ്മുകശ്മീരിലെ പഹല്‍ഗാമില്‍ നടന്ന ഹീനമായ ആക്രമണത്തെ അപലപിച്ച യുണിയന്‍ അക്രമത്തെ ഒരിക്കലും ന്യായീകരിക്കാനാവില്ലെന്നും ആക്രമണത്തിന് ഉത്തരവാദികളായവരെ നിയമത്തിന് മുന്നില്‍ കൊണ്ടുവരണമെന്നും വ്യക്തമാക്കി. ഇത്തരം അക്രമ പ്രവര്‍ത്തനങ്ങള്‍ നടത്തുന്നതില്‍ നിന്ന് തങ്ങളുടെ പൗരന്മാരെ സംരക്ഷിക്കുന്നത് ഒരോ രാജ്യത്തിന്റെയും കടമയാണെന്ന് യൂറോപ്യന്‍ യൂണിയന്‍ പറഞ്ഞു.

മേഖലയില്‍ വര്‍ദ്ധിച്ചുവരുന്ന സംഘര്‍ഷങ്ങളും കൂടുതല്‍ ജീവന്‍ നഷ്ടപ്പെടാനുള്ള സാധ്യത ഉള്‍പ്പെടെയുള്ള അനന്തരഫലങ്ങളും സൂക്ഷ്മമായും വളരെ ആശങ്കയോടെയും നിരീക്ഷിക്കുകയാണെന്നു പറഞ്ഞ യൂണിയന്‍ ഇരു കക്ഷികളിലെയും സാധാരണക്കാരുടെ ജീവന്‍ സംരക്ഷിക്കുന്നതിന് കൂടുതല്‍ ആക്രമണങ്ങളില്‍ നിന്ന് വിട്ടുനില്‍ക്കാനും ഇരു രാജ്യങ്ങളും സംയമനം പാലിക്കാനും ആവശ്യപ്പെട്ടു.