മുന്നാക്കക്കാരിലെ പിന്നാക്കക്കാരെ കണ്ടെത്താന് സാമ്പത്തിക സര്വേ; കുടുംബശ്രീയെ ചുമതലപ്പെടുത്തി മന്ത്രിസഭായോഗം
എയ്ഡഡ് വിദ്യാഭ്യാസ സ്ഥാപനങ്ങള്, പൊതുമേഖലാ സ്ഥാപനങ്ങള്, ക്ഷേമനിധി ബോര്ഡുകള്, വികസന അതോറിറ്റികള്, സഹകരണ സ്ഥാപനങ്ങള്, ദേവസ്വംബോര്ഡുകള് എന്നിവിടങ്ങിളിലെ നിയമനങ്ങളില് പോലിസ് വെരിഫിക്കേഷന് നിര്ബന്ധമാക്കി.
തിരുവനന്തപുരം: സംസ്ഥാനത്ത് മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നില്ക്കുന്നവരെ കണ്ടെത്തുന്നതിനുള്ള സാമൂഹിക സാമ്പത്തിക സര്വ്വേ കുടുംബശ്രീ മുഖേന നടത്താന് മന്ത്രിസഭായോഗം അനുമതി നല്കി. ഗ്രാമപഞ്ചായത്ത്, നഗരസഭ, കോര്പറേഷന് വാര്ഡുകളിലെ സാമ്പത്തികമായി ഏറ്റവും ബുദ്ധിമുട്ട് അനുഭവിക്കുന്ന അഞ്ചുവീതം കുടുംബങ്ങളെ കണ്ടെത്തി വിവരശേഖരം നടത്തുന്നതിന് 75,67,090 രൂപ വിനിയോഗിക്കുന്നതിനും അനുമതി നല്കി.
നിയമനങ്ങള്ക്ക് പാലിസ് വെരിഫിക്കേഷന് നിര്ബന്ധം
സംസ്ഥാനത്തെ എയ്ഡഡ് വിദ്യാഭ്യാസ സ്ഥാപനങ്ങള്, പൊതുമേഖലാ സ്ഥാപനങ്ങള്, ക്ഷേമനിധി ബോര്ഡുകള്, വികസന അതോറിറ്റികള്, സഹകരണ സ്ഥാപനങ്ങള്, ദേവസ്വംബോര്ഡുകള് എന്നിവിടങ്ങിളിലെ നിയമനങ്ങളില് പോലിസ് വെരിഫിക്കേഷന് നിര്ബന്ധമാക്കാന് തീരുമാനിച്ചു. ജീവനക്കാരന് ജോലിയില് പ്രവേശിച്ച് ഒരു മാസത്തിനുള്ളില് ഇത് പൂര്ത്തിയാക്കണം. ബന്ധപ്പെട്ട സ്ഥാപനങ്ങള് നിയമങ്ങള്/സ്റ്റാറ്റിയൂട്ടുകള്/ചട്ടങ്ങള്/ബൈലോ എന്നിവയില് മൂന്നുമാസത്തിനുള്ളില് ഭേദഗതി വരുത്തണം. ഇന്ന് ചേര്ന്ന മന്ത്രിസഭാ യോഗത്തിലാണ് ഇതുമായി ബന്ധപ്പെട്ട തീരുമാനമുണ്ടായത്.
മറ്റു തീരുമാനങ്ങള്
ആയുര്വേദ ഇന്സ്റ്റിറ്റിയൂട്ടിന് ഭൂമി കൈമാറ്റം
ഇരിട്ടി, കല്യാട് വില്ലേജില് 41.7633 ഹെക്ടര് അന്യം നില്പ്പ് ഭൂമിയും ലാന്റ് ബോര്ഡ് പൊതു ആവശ്യത്തിന് നീക്കിവച്ച 4.8608 ഹെക്ടര് മിച്ചഭൂമിയും ഉള്പ്പെടെ 46.6241 ഹെക്ടര് ഭൂമി അന്താരാഷ്ട്ര ആയുര്വേദ റിസര്ച്ച് ഇന്സ്റ്റിട്ട്യൂട്ട് സ്ഥാപിക്കുന്നതിന് കൈമാറി നല്കാന് തീരുമാനിച്ചു. രണ്ട് സേവന വകുപ്പുകള് തമ്മിലുള്ള ഭൂമി കൈമാറ്റ വ്യവസ്ഥകള് പ്രകാരമാണിത്. നിബന്ധനകള്ക്ക് വിധേയമായി ഉടമസ്ഥാവകാശം റവന്യു വകുപ്പില് നിലനിര്ത്തി കൈവശാവകാശം ആയുര്വേദ മെഡിക്കല് വിദ്യാഭ്യാസ വകുപ്പിന് കൈമാറും. ഭൂമി അനുവദിക്കുന്ന തിയതി മുതല് ഒരുവര്ഷത്തിനകം നിര്ദ്ദിഷ്ട നിര്മ്മാണ പ്രവര്ത്തനങ്ങള് ആരംഭിക്കണം.
സ്റ്റാഫ് പാറ്റേണ് പുതുക്കും
വിനോദസഞ്ചാര വകുപ്പിനു കീഴില് കോഴിക്കോട് പ്രവര്ത്തിക്കുന്ന സ്റ്റേറ്റ് ഇന്സ്റ്റിറ്റിയൂട്ട് ഓഫ് ഹോസ്പിറ്റാലിറ്റി മാനേജ്മെന്റിലെ സ്റ്റാഫ് പാറ്റേണ് നാഷണല് കൗണ്സില് ഓഫ് ഹോട്ടല് മാനേജ്മെന്റ് ആന്റ് കാറ്ററിങ് ടെക്നോളജി മാര്ഗരേഖ പ്രകാരം പുതുക്കാന് തീരുമാനിച്ചു.
അഭിഭാഷക പാനല്
സുപ്രീം കോടതിയില് സംസ്ഥാനത്തിന്റെ കേസുകള് നടത്തുന്നതിനുള്ള സീനിയര് അഭിഭാഷകരുടെ പാനലില് രഞ്ജിത്ത് തമ്പാനെ ഉള്പ്പെടുത്താന് തീരുമാനിച്ചു.
RELATED STORIES
അമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTവിവാഹാഘോഷത്തിനിടെ പടക്കം പൊട്ടിച്ചു; തീ പടർന്ന് കുട്ടികളടക്കം ആറുപേർ...
27 April 2024 9:10 AM GMTതീപിടിച്ച കെട്ടിടത്തില് നിന്നും സ്വന്തം ജീവന് പണയംവെച്ച് 50 പേരെ...
27 April 2024 9:09 AM GMTപയ്യന്നൂരിൽ പോളിങ് സ്റ്റേഷനിൽ ബൂത്ത് ഏജന്റുമാർക്ക് മർദനം
27 April 2024 9:04 AM GMT