പ്രചരണത്തിനുള്ള അവസരം നിഷേധിക്കരുത്; സര്വകക്ഷി യോഗ തീരുമാനം എജി ഹൈക്കോടതിയെ അറിയിക്കും
പാതയോരങ്ങളില് കൊടിതോരണങ്ങള് സ്ഥാപിക്കുന്നതുമായി ബന്ധപ്പെട്ട ഹൈക്കോടതി ഇടക്കാല ഉത്തരവുകളുടെ പശ്ചാത്തലത്തിലാണ് മുഖ്യമന്ത്രിയുടെ അദ്ധ്യക്ഷതയില് സര്വ്വകക്ഷി യോഗം ചേര്ന്നത്
തിരുവനന്തപുരം: രാഷ്ട്രീയ പാര്ട്ടികള്ക്കും മത,സാമുദായിക, സാംസ്കാരിക സംഘടനകള്ക്കും പ്രചരണത്തിനുള്ള അവസരം നിഷേധിക്കരുതെന്ന് സര്വ്വകക്ഷി യോഗം. സംസ്ഥാനത്തെ പാതയോരങ്ങളില് കൊടിതോരണങ്ങള് സ്ഥാപിക്കുന്നതുമായി ബന്ധപ്പെട്ട ഹൈക്കോടതി ഇടക്കാല ഉത്തരവുകളുടെ പശ്ചാത്തലത്തിലാണ് മുഖ്യമന്ത്രി പിണറായി വിജയന്റെ അദ്ധ്യക്ഷതയില് ഓണ്ലൈനായി സര്വ്വകക്ഷി യോഗം ചേര്ന്നത്. യോഗ തീരുമാനങ്ങള് പൊതുസമൂഹത്തിന്റെ അഭിപ്രായമായി ഹൈക്കോടതിയെ അറിയിക്കാന് അഡ്വക്കേറ്റ് ജനറലിനെ ചുമതലപ്പെടുത്തി.
സ്വകാര്യ മതിലുകള്, കോമ്പൗണ്ടുകള് എന്നിവിടങ്ങളില് ഉടമസ്ഥരുടെ അനുവാദത്തോടെ ഗതാഗതത്തെ ബാധിക്കാതെ കൊടിതോരണങ്ങള് കെട്ടാന് അനുവദിക്കാവുന്നതാണ്. സമ്മേളനങ്ങള്, ഉത്സവങ്ങള് എന്നിവയോടനുബന്ധിച്ച് പാതയോരങ്ങളില് മാര്ഗ്ഗതടസ്സമുണ്ടാക്കാതെ താല്ക്കാലികമായി ബന്ധപ്പെട്ടവരുടെ അനുമതിയോടെ കൊടിതോരണങ്ങള് കെട്ടാം. എത്ര ദിവസം മുമ്പ് കെട്ടാമെന്നും പരിപാടിക്കുശേഷം എപ്പോള് നീക്കം ചെയ്യുമെന്നും മുന്കൂട്ടി വ്യക്തമാക്കണം.
പൊതുയിടങ്ങളില് ഗതാഗതത്തിനും കാല്നടയ്ക്കും തടസ്സമുണ്ടാകുന്ന രീതിയില് കൊടിതോരണങ്ങളും പരസ്യങ്ങളും പ്രദര്ശിപ്പിക്കരുത്. യോഗത്തില് മുഖ്യമന്ത്രി അവതരിപ്പിച്ച നിര്ദ്ദേശങ്ങളോട് എല്ലാ കക്ഷികളും പൊതുവെ യോജിപ്പ് രേഖപ്പെടുത്തി.
പ്രതിപക്ഷ നേതാവ് വിഡി സതീശന്, നിയമ മന്ത്രി പി രാജീവ്, ചീഫ് സെക്രട്ടറി ഡോ. വിപി ജോയ്, എ വിജയരാഘവന് (സിപിഎം), മരിയപുരം ശ്രീകുമാര് (കോണ്ഗ്രസ്), പികെ കുഞ്ഞാലിക്കുട്ടി (ഐയുഎംഎല്), ഇ ചന്ദ്രശേഖരന് (സിപിഐ), സ്റ്റീഫന് ജോര്ജ് (കേരള കോണ്ഗ്രസ് എം), മോന്സ് ജോസഫ് (കേരള കോണ്ഗ്രസ്), മാത്യു ടി തോമസ് (ജനതാദള് എസ്), കെആര് രാജന് (എന്സിപി), രാമചന്ദ്രന് കടന്നപ്പള്ളി (കോണ്ഗ്രസ് എസ്), ഷാജി ഫിലിപ്പ് (ആര്എസ്പി ലെനിനിസ്റ്റ്), സി കൃഷ്ണകുമാര് (ബിജെപി), വി സുരേന്ദ്രന് പിള്ള (ലോകതാന്ത്രിക് ജനതാദള്), പിസി ജോസഫ് (ജനാധിപത്യ കേരള കോണ്ഗ്രസ്) എന്നിവര് യോഗത്തില് സംസാരിച്ചു.
RELATED STORIES
ഡല്ഹി പിസിസി അധ്യക്ഷന് അരവിന്ദര് സിങ് ലവ്ലി രാജിവച്ചു
28 April 2024 7:39 AM GMTമുസ് ലിം സ്ഥാനാര്ഥിയില്ല'; പ്രചാരണസമിതിയില് നിന്ന് രാജിവച്ച്...
27 April 2024 5:52 PM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTലൈംഗികാതിക്രമ പരാതിയില് കുറ്റക്കാരനാണെന്ന് കണ്ടെത്തിയതിനെ തുടര്ന്ന്...
27 April 2024 9:00 AM GMTസിബിഎസ്ഇ ബോർഡ് പരീക്ഷകൾ 2025-'26 അധ്യയനവർഷം മുതൽ വർഷത്തിൽ രണ്ടുതവണ
27 April 2024 8:57 AM GMTമണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT