വിവാദ ബില്‍ ലോക്‌സഭയില്‍; സഭയില്‍ പ്രതിപക്ഷ പ്രതിഷേധം

ന്യൂഡല്‍ഹി: ഗുരുതരമായ ക്രിമിനല്‍ കുറ്റങ്ങളില്‍പ്പെട്ട് തുടര്‍ച്ചയായി 30 ദിവസം ജയിലില്‍ കഴിഞ്ഞാല്‍ പ്രധാനമന്ത്രി, കേന്ദ്രമന്ത്രി, മുഖ്യമന്ത്രി, സംസ്ഥാന മന്ത്രി അല്ലെങ്കില്‍ കേന്ദ്രഭരണ പ്രദേശ മന്ത്രി എന്നിവരെ പുറത്താക്കാന്‍ വ്യവസ്ഥ ചെയ്യുന്ന മൂന്ന് വിവാദ ബില്ലുകള്‍ ലോക്സഭയില്‍ അവതരിപ്പിക്കാനുള്ള ശ്രമം പ്രതിപക്ഷം തടഞ്ഞു. സഭ ആരംഭിക്കാന്‍ പ്രതിപക്ഷം അനുവദിച്ചില്ല. ഇതിനേ തുടര്‍ന്ന് സഭയില്‍ ബഹളം അരങ്ങറി. സഭ നിര്‍ത്തിവെച്ചു. ഇനി പന്ത്രണ്ട് മണിക്കു ശേഷം സഭ പുനരാരംഭിക്കുമെന്നാണ് വിവരം.

പ്രതിപക്ഷ മുഖ്യമന്ത്രിമാരെ തിരഞ്ഞെടുപ്പില്‍ പരാജയപ്പെടുത്തുന്നതില്‍ പരാജയപ്പെട്ടതിനെത്തുടര്‍ന്ന് അവരെ നീക്കം ചെയ്യുന്നതിനായി ഭരണകക്ഷി ഇത്തരമൊരു നിയമം കൊണ്ടുവരാന്‍ ആഗ്രഹിക്കുന്നുവെന്ന് കോണ്‍ഗ്രസ് പറഞ്ഞു.പ്രതിപക്ഷത്തെ അസ്ഥിരപ്പെടുത്താനുള്ള ഏറ്റവും നല്ല മാര്‍ഗം, പ്രതിപക്ഷ മുഖ്യമന്ത്രിമാരെ അറസ്റ്റ് ചെയ്യുന്നതിന് പക്ഷപാതപരമായ കേന്ദ്ര ഏജന്‍സികളെ അഴിച്ചുവിടുക എന്നതാണെന്നും കോണ്‍ഗ്രസ് നേതാക്കള്‍ പ്രതികരിച്ചു.